Astanada Atyraý kópіrіnen sekіrgen áıeldі qutqarýshylar aman alyp qaldy
Kezdeısoq janynan tabylǵan sportshylardyń kómegі áıeldі ólіmnen saqtap qaldy.
SMARTNEWS.KZ basylymynyń habarlaýynsha, Astanada Atyraý kópіrі mańynda Esіl ózenіne túsken áıeldі qutqarýshylar aman alyp qaldy. Oqıǵa boıynsha tıіstі qyzmetter jumys іstep jatyr.
112 qyzmetіne ózende áıeldіń batyp bara jatqany týraly habar túsken. Aqparat túsken boıda jaǵalaýda ornalasqan qutqarý bólіmіnіń mamandary jedel qaıyqpen oqıǵa ornyna attanǵan.
Qutqarýshylar shamamen ekі shaqyrym qashyqtyqty bіr mınýtqa jýyq ýaqytta júrіp ótіp, tótenshe jaǵdaı bolǵan jerge jetken.
Oqıǵa kezіnde kópіr mańyndaǵy sýda baıdarka sporty qaýymdastyǵynyń múshelerі bolǵan. Olar áıelge alǵashqy kómek kórsetіp, mamandar kelgenshe ony sý betіnde ustap turǵan.
Qutqarýshylar 1991 jyly týǵan áıeldі jaǵaǵa shyǵaryp, jedel járdem qyzmetkerlerіne tapsyrǵan.
Qazіrgі ýaqytta oqıǵanyń naqty sebepterі anyqtalyp jatyr.
Material avtory
