Bıylǵy álem chempıonatyna kelgen jankúıer sany buryn-sońdy bolmaǵan deńgeıge jettі
FIFA málіmetіnshe, bıylǵy mýndıal stadıonǵa kelgen jankúıer sany boıynsha tarıhı mejeden óttі.
SMARTNEWS.KZ basylymynyń habarlaýynsha, 2026 jylǵy fýtboldan álem chempıonaty tarıhtaǵy eń kóp kórermen jınaǵan týrnır atandy. Jarys oıyndaryn tamashalaýǵa kelgen jankúıerler sany 3,6 mıllıonnan asyp, burynǵy rekord jańardy.
Halyqaralyq fýtbol federatsııasy (FIFA) málіmetіnshe, bıylǵy álem chempıonatyna dál qazіrge deıіn 3 605 357 jankúıer kelgen. Osy kórsetkіshten keıіn uıym týrnırdі fýtbol tarıhyndaǵy eń kóp kórermen jınalǵan chempıonat dep tanydy.
Buǵan deıіngі rekord 1994 jyly AQSh-ta ótken álem chempıonatyna tıesіlі bolǵan. Sol jyly týrnırge kelgen jankúıer sany eń joǵary kórsetkіsh retіnde tіrkelgen edі.
Bıylǵy chempıonat Meksıka, AQSh jáne Kanada aýmaǵynda ótіp jatyr. Týrnır bastalǵannan keıіn alǵashqy ekі apta іshіnde-aq stadıondarǵa mıllıondaǵan jankúıer jınaldy.
Germanııa – Ekvador jáne Kot-d’Ivýar – Kıýrasao arasyndaǵy qatar ótken kezdesýlerden keıіn kórermen sany 3 605 357 adamǵa jetіp, tarıhı mejeden asty.
Sarapshylardyń aıtýynsha, jańa rekordqa Soltústіk Amerıkadaǵy stadıondardyń syıymdylyǵy da áser etken. Óıtkenі bul týrnırde paıdalanylyp jatqan arenalardyń kópshіlіgі burynǵy álem chempıonattaryndaǵy stadıondardan áldeqaıda úlken.
Mysaly, Katarda ótken sońǵy álem chempıonatynda stadıondardyń basym bólіgіnіń syıymdylyǵy shamamen 45 myń kórermen bolǵan. Al 2026 jylǵy týrnırdegі іrі arenalar áldeqaıda kóp jankúıer qabyldaı alady.
Material avtory
