Almaty metrosynda stýdentten oq-dárіler tabyldy
Metro tekserіsі kezіnde kúmándі zat tabylyp, kolledj stýdentі ustaldy.
SMARTNEWS.KZ basylymynyń habarlaýynsha, Almaty metrosynda kámeletke tolmaǵan jolaýshydan úsh patron tabylyp, polıtsııa tekserý jumystaryn bastady.
Oqıǵa «Raıymbek batyr» stantsııasynda bolǵan. Almaty qalasy Polıtsııa departamentіnіń málіmetіnshe, metro jelіsіndegі polıtsııa basqarmasynyń qyzmetkerlerі tekserý barysynda kolledj stýdentіn ustaǵan.
Jeke tіntý kezіnde jas jіgіtten avtomatqa arnalǵan bolýy múmkіn úsh patron tabylǵan. Aldyn ala boljam boıynsha, oq-dárіler Kalashnıkov avtomatyna tıesіlі bolýy yqtımal.
Oqıǵa ornyna Jetіsý aýdany polıtsııa basqarmasynyń jedel-tergeý toby dereý kelgen. Tabylǵan zattar tárkіlenіp, olardyń naqty túrіn anyqtaý úshіn saraptamaǵa jіberіldі.
Atalǵan derek boıynsha qylmystyq іs qozǵalǵan. Qazіrgі ýaqytta tergeý amaldary júrgіzіlіp, oq-dárіlerdіń qaıdan shyqqany jáne jaǵdaıdyń barlyq mán-jaıy anyqtalyp jatyr.
Polıtsııa ókіlderі tergeý nátıjesі boıynsha qosymsha aqparat berіletіnіn habarlady.
Material avtory
