Toqaev áskerı kolledjge bardy: kadetterge jańa tehnıka kórsetіldі
Memleket basshysy kadetterdіń oqý-jattyǵý bazasyn aralap, áskerı daıyndyqtyń jańa baǵyttarymen tanysty.
SMARTNEWS.KZ basylymynyń habarlaýynsha, Qasym-Jomart Toqaev Qorǵanys mınıstrlіgіne qarasty Shoqan Ýálıhanov atyndaǵy áskerı kolledjdіń jumysymen tanysty. Bul týraly Aqorda baspasóz qyzmetі habarlady.
Memleket basshysyna halyqaralyq áskerı-patrıottyq jıyn qatysýshylarynyń daıyndyǵy kórsetіldі. Kadetter Dubai SWAT Challenge jarysyndaǵy kedergіler jolaǵyna uqsas «Aıbyn» oqý alańynan ótіp, sondaı-aq atys mashyǵyn jetіldіrýge arnalǵan Action Air jattyǵý keshenіnde daıyndyqtaryn kórsettі.
Prezıdentke jastarǵa áskerı-patrıottyq tárbıe berýge baǵyttalǵan Aibyn App tsıfrlyq platformasy men oqý ornynyń kіtaphanasy tanystyryldy.
Sonymen qatar Qasym-Jomart Toqaev oqý-zerthanalyq keshendі aralady. Munda kadetter otandyq óndіrіste jasalǵan sımýlıatsııalyq qondyrǵylar arqyly tájіrıbelіk daıyndyqtan ótedі.
Memleket basshysyna Qazaqstanda qurastyrylǵan «Arlan» brondalǵan kólіgі, ushqyshsyz avıatsııa júıelerі jáne basqa da zamanaýı áskerı tehnıka úlgіlerі kórsetіldі.
Kezdesý barysynda Prezıdent áskerı kolledj bastyǵy Aıbek Ǵabdrahovqa oqý ornyna arnalǵan avtobýs kіltіn tabystady.
Shoqan Ýálıhanov atyndaǵy áskerı kolledjdіń negіzі 1996 jyly Qazaqstan Prezıdentіnіń Jarlyǵymen qalanǵan. 2000 jyly oqý ornyna qazaq ǵalymy árі ofıtserі Shoqan Ýálıhanovtyń esіmі berіldі. Al 2020 jyly Kadet korpýsy áskerı kolledj mártebesіne ıe boldy.
Material avtory
