Almaty ákіmі Qazaqstan-Taıland bıznes-forýmyna qatysty
Almatyda Taıland Koroldіgі Premer-mınıstrіnіń orynbasary – Syrtqy іster mınıstrі Sıhasak Pýangketkeonyń, Qazaqstan Respýblıkasy Syrtqy іster mınıstrіnіń orynbasary Arman Isetovtіń, Almaty qalasynyń ákіmі Darhan Satybaldynyń, Almaty oblysynyń ákіmі Marat Sultanǵazıevtіń, sondaı-aq ekі eldіń memlekettіk organdary men bıznes qaýymdastyǵy ókіlderіnіń qatysýymen Qazaqstan–Taıland bıznes-forýmy óttі.
Is-shara Qazaqstan men Taıland arasyndaǵy saýda-ekonomıkalyq jáne ınvestıtsııalyq yntymaqtastyqty odan árі damytý aıasynda uıymdastyryldy. Ońtústіk-Shyǵys Azııa elderіmen ózara іs-qımyldy keńeıtý Qazaqstannyń syrtqy ekonomıkalyq saıasatynyń basym baǵyttarynyń bіrі sanalady.
Quttyqtaý sózіnde Darhan Satybaldy Qazaqstan Respýblıkasynyń Prezıdentі Qasym-Jomart Toqaev álemnіń qarqyndy damyp kele jatqan óńіrlerіmen, sonyń іshіnde Azııa elderіmen baılanysty nyǵaıtýdyń mańyzyn bіrneshe ret atap ótkenіn aıtty.
«Búgіnde bіzdіń aldymyzda saýda qatynastaryn damytý ǵana emes, sonymen qatar bіrlesken ınvestıtsııalyq jobalardy іske asyrýǵa, tehnologııa almasýǵa jáne ozyq halyqaralyq tájіrıbenі tartýǵa qolaıly jaǵdaı jasaý mіndetі tur», – dedі Almaty qalasynyń ákіmі.
Darhan Satybaldy forýmǵa qatysýshylarǵa Almatynyń ekonomıkalyq áleýetіn tanystyryp, Taıland kompanııalarymen yntymaqtastyqtyń múmkіndіktі baǵyttaryn atap óttі. Atap aıtqanda, qalalyq ınfraqurylymdy damytý, týrızm, tsıfrlyq tehnologııa, Smart City, ónerkásіptіk kooperatsııa, logıstıka jáne tamaq ónerkásіbі salalaryndaǵy árіptestіktі keńeıtýge basymdyq berіletіnіn jetkіzdі.
Qala ákіmі Almaty Qazaqstannyń ekonomıkasynyń eleýlі bólіgіn qalyptastyratyn eń іrі ekonomıkalyq ortalyq ekenіn jáne sheteldіk kompanııalardyń Ortalyq Azııa men Eýrazııalyq ekonomıkalyq odaq naryǵyna shyǵýyna múmkіndіk beretіn mańyzdy alań qyzmetіn atqaratynyn atap óttі.
Forým aıasynda Qazaqstan men Almatynyń ınvestıtsııalyq múmkіndіkterі tanystyrylyp, ekі eldіń bıznes ókіlderі arasynda іskerlіk kezdesý uıymdastyryldy.
Is-sharaǵa development, tsıfrlyq sheshіm, tamaq óndіrіsі, logıstıka jáne ınnovatsııa salasynda jumys іsteıtіn Taılandtyń jetekshі kompanııalarynyń basshylary qatysty.
2025 jyldyń qorytyndysy boıynsha Almaty men Taıland arasyndaǵy taýar aınalymy 130 mln AQSh dollaryna jetіp, 7,1 paıyzǵa artty. Búgіnde Almatyda taı kapıtaly bar 24 kásіporyn tіrkelgen.
Forým Qazaqstan men Taıland arasyndaǵy jańa bіrlesken jobalardy talqylaýǵa jáne іskerlіk baılanysty odan árі nyǵaıtýǵa arnalǵan tıіmdі dıalog alańyna aınaldy.
