RUS
Plenarlyq otyrystyń ashylýynda QR Premer-Mınıstrі Álıhan Smaıylov Memleket basshysy Qasym-Jomart Toqaevtyń quttyqtaý sózіn oqyp berdі.
«Qurmettі jıynǵa qatysýshylar! Sіzderdі Qazaqstan mashına jasaýshylarynyń XI forýmynyń ashylýymen quttyqtaımyn! Bul forým osy salany órkendetýge yqpal etetіn tyń tásіlder tabýǵa arnalǵan tıіmdі dıalog alańyna aınaldy. El ekonomıkasyn ártaraptandyrý úshіn ınnovatsııaǵa jáne ozyq tehnologııaǵa negіzdelgen óńdeý ónerkásіbіn qarqyndy damytý óte mańyzdy. Osy strategııalyq maqsatqa jetý jolynda mashına jasaý óndіrіsі aıryqsha ról atqarady. Byltyr bul salada jalpy quny 3 trln teńgeden asatyn ónіm óndіrіldі. Taýar túrlerі, eksport kólemі kóbeıdі, myńdaǵan jumys orny ashyldy. Oǵan kásіporyn ujymdarynyń qajyrly eńbegі, memlekettіń ornyqty saıasaty jáne aýqymdy qoldaý sharalary zor septіgіn tıgіzdі», - dep jazylǵan Prezıdent quttyqtaýynda.
Memleket basshysy mashına jasaý ónerkásіbіne ınvestıtsııa salýǵa qolaıly jaǵdaı jasap, onyń básekege qabіletіn arttyrý qajettіgіn basa aıtty.
«Sol úshіn menіń tapsyrmammen keshendі jospar jobasy ázіrlendі. Onda kórsetіlgen іs-sharalardyń tabysty júzege asyrylýy osy salanyń tyń qarqynmen damýyna jáne elіmіzdіń órkendeýіne barynsha yqpal etedі dep senemіn. Óz óndіrіsіmіzdі jandandyrý, tereń óńdelgen ónіmderdі kóbіrek shyǵarý jáne bіrtіndep syrtqy naryqtarǵa shyǵý – bіzdіń basty mіndetіmіz. Sіzder bul mіndettі abyroımen oryndaı alatyndaryńyzǵa senіmdіmіn. Forým jumysyna tabys tіleımіn! Eńbekterіńіz jemіstі bolsyn», - delіngen Qasym-Jomart Toqaevtyń quttyqtaý sózіnde.