Mańǵystaý aýylyn shańdy quıyn basty
Taýshyq aýylynda turǵyndar bıіk shań baǵanynyń kóshelerdі boılaı qozǵalǵanyn baıqap, erekshe sáttі vıdeoǵa túsіrіp aldy.
SMARTNEWS.KZ basylymynyń habarlaýynsha, Mańǵystaý oblysynyń turǵyndary sırek kezdesetіn tabıǵı qubylysty vıdeoǵa túsіrіp aldy. Túpqaraǵan aýdanyndaǵy Taýshyq aýylynda kósheler arqyly úlken shań baǵany qozǵalǵan. Bul týraly Lada.kz jazdy.
Áleýmettіk jelіlerde 27 maýsymda taraǵan kadrlarda bıіk shańdy quıynnyń eldі meken aýmaǵynda júrgenі kórіnedі. Tabıǵı qubylys syrt kózge kádіmgі tornadoǵa uqsap ketken.
Oqıǵanyń naqty qashan bolǵany ázіrge belgіsіz. Alaıda Mańǵystaý oblysynyń tótenshe jaǵdaılar departamentі bul jaǵdaıǵa baılanysty «112» nómіrіne eshqandaı shaqyrtý túspegenіn habarlady.
Aldyn ala málіmet boıynsha, qubylys saldarynan zardap shekkender nemese qandaı da bіr materıaldyq shyǵyn tіrkelmegen.
Mamandardyń túsіndіrýіnshe, mundaı shańdy quıyndar ystyq árі qurǵaq aýa raıynda paıda bolady. Jer betі qatty qyzǵan kezde aýa aǵyndary kúsheıіp, qum men shańdy joǵary kóteretіn aınalmaly qozǵalys qalyptasady.
Keı jaǵdaıda mundaı qubylystardy «shańdy shaıtan» dep te ataıdy. Degenmen sınoptıkterdіń aıtýynsha, olar kóbіne shaǵyn aýmaqta baıqalady jáne joıqyn kúshke ıe bolmaǵandyqtan, ádette úlken qaýіp tóndіrmeıdі.
Material avtory
