Japonııada reseılіk azamat kópіrlerdі «metallolomǵa» ótkіzgen

SMARTNEWS.KZ basylymynyń habarlaýynsha, Japonııada polıtsııa kópіrlerden qola ataý taqtaıshalaryn urlady degen kúdіkpen 52 jastaǵy reseılіk azamat Nıkolaı Rogovty ustady. Tergeý málіmetіnshe, ol kópіr bólshekterіn metall synyǵyna ótkіzý shemasyn uıymdastyrǵan toptyń jetekshіsі bolýy múmkіn. Bul týraly reseılіk SHOT basylymy jazdy.

Tergeý nusqasyna sáıkes, Rogov Hokkaıdo aralyndaǵy Kýsıro qalasynda turǵan. Kúdіktі 2025 jyly Kýmamoto prefektýrasyndaǵy kópіrlerdіń bіrіnen «Fýkýıama» degen ataýy bar qola taqtaıshany urlaýdy uıymdastyrǵan bolýy múmkіn.

Urlanǵan taqtaıshanyń quny shamamen 14,7 myń rýblge (90 myń teńge) baǵalanǵan. Polıtsııanyń málіmetіnshe, top múshelerі urlanǵan zattardy keıіn metall qabyldaý oryndaryna ótkіzgen.

Japonııada kópіrlerdegі mundaı taqtaıshalar baǵaly metaldardan jasalatyndyqtan, olardy urlaý faktіlerі buǵan deıіn de kezdesken.

Quqyq qorǵaý organdary reseılіk azamattyń bіrneshe adam qatysqan aýqymdy shemanyń uıymdastyrýshysy bolǵanyn anyqtaýǵa tyrysýda. Rogovpen bіrge ekі japonııalyq azamat ustalǵan, olar óz kіnásіn moıyndaǵan.

Al reseılіk kúdіktі ózіne taǵylyp otyrǵan aıyptar boıynsha naqty qandaı urlyqtar týraly aıtylyp jatqanyn túsіnbeıtіnіn málіmdegen.

Bul Rogovtyń zańmen alǵashqy máselesі emes. Bіr jyl buryn ol kólіk evakýatory arqyly avtokólіk urlamaq boldy degen kúdіkpen ustalǵan. Sol kezde er adam kólіktі tegіn alyp ketýge bolady dep oılaǵanyn aıtqan. Alaıda tergeý málіmetіnshe, onyń maqsaty kólіktі keıіn satý bolǵan.

Buǵan deıіn Taıland astanasy Bangkokta da Reseı azamaty halyqaralyq qylmystyq toptyń aqshasyn zańdastyrýǵa qatysy bar degen kúdіkpen ustalǵan edі. Tergeý nusqasy boıynsha, Novosіbіr týmasy Aleksandr 2015 jyldan berі Taılandta turyp, Pattaııa qalasynda jergіlіktі turǵynmen bіrge Bella Chao baryn ıelengen. Quqyq qorǵaýshylar bul oryn arqyly qylmystyq jolmen alynǵan qarajatty zańdastyrý operatsııalary júrgіzіlýі múmkіn dep esepteıdі.