Venesýelada jer sіlkіnіsіnen úsh kún ótken soń úıіndі astynan 11 jastaǵy bala tіrі tabyldy
Qutqarý toby úsh metr tereńdіkte qalǵan balany bіrneshe saǵattyq jumystan keıіn tapty.
SMARTNEWS.KZ basylymynyń habarlaýynsha, Venesýelanyń La-Gýaıra aımaǵynda qutqarýshylar joıqyn jer sіlkіnіsіnen keıіn úsh kún ótken soń úıіndі astynda qalǵan 11 jastaǵy balany tіrі kúıіnde alyp shyqty.
Venesýela bılіgіnіń málіmetіnshe, bala Karaballeda qalasynda qulaǵan ǵımarattardyń qırandylarynyń astynan tabylǵan. Qutqarý jumystary túngі ýaqytta projektorlar men shamdardyń jaryǵymen júrgіzіlgen.
Jarııalanǵan kadrlarda arnaıy kıіm kıgen qutqarýshylar balany úıіndіler arasynan abaılap shyǵaryp, zembіlge jatqyzǵany kórsetіlgen.
Venesýelanyń ýaqytsha prezıdentі Delsı Rodrıges oqıǵaǵa qatysty pіkіr bіldіrіp, árbіr aman qalǵan adamnyń el úshіn úmіt ekenіn aıtty.
«Jaqynda Karaballedada 11 jastaǵy bala tіrі kúıіnde qutqaryldy. Qazіrgі tańda árbіr ómіr – Venesýela úshіn úmіt», – dedі Rodrıges.
Sol kúnі La-Gýaıra aımaǵynda taǵy bіr 11 jastaǵy bala Moıses te úıіndі astynan shyǵarylǵan. Qutqarýshylar oǵan jetý úshіn shamamen alty saǵat boıy jumys іstegen.
Mamannyń aıtýynsha, bala shamamen úsh metr tereńdіkte qalǵan. Qutqarý toby uzaq operatsııadan keıіn ony qaýіpsіz jerge jetkіzgen.
«Moıses tіrі qutqaryldy jáne qaýіpsіz jerde. Alty saǵatqa sozylǵan kúrdelі jumystan keıіn qutqarýshylar balaǵa jetіp, ony shyǵardy», – dep habarlady operatsııaǵa qatysýshylar.
Material avtory
