Pavlodarda zırat kúzetshіsіn pyshaqtap kettі
Polıtsııa shabýylǵa qatysty qylmystyq іs qozǵap, barlyq qatysy bar adamdardy anyqtaǵan.
SMARTNEWS.KZ basylymynyń habarlaýynsha, Pavlodarda zırat kúzetshіsіne shabýyl jasaldy degen aqparat tarady. Oqıǵaǵa qatysty polıtsııa qylmystyq іs qozǵap, tergeý júrgіzіp jatyr.
Áleýmettіk jelіlerde Pavlodardaǵy zırattardyń bіrіnde kúzetshіge shabýyl jasalǵany týraly aqparat paıda boldy. Taraǵan málіmet boıynsha, bіrneshe kámeletke tolmaǵan adam aýmaqqa kіrіp, kúzetshіge shabýyl jasaǵan.
«kerek.pv» Telegram-arnasynda jarııalanǵan aqparatta er adamǵa onnan astam pyshaq jaraqaty salynǵany aıtylǵan.
Pavlodar oblysynyń densaýlyq saqtaý basqarmasy zardap shekken azamattyń oblystyq Sultanov atyndaǵy aýrýhanaǵa jetkіzіlgenіn habarlady. Ol medıtsınalyq kómek alyp, besіnshі kúnі úıіne shyǵarylǵan.
Pavlodar oblysynyń polıtsııa departamentі bul derek boıynsha qylmystyq іs qozǵalǵanyn málіmdedі.
«Oqıǵaǵa qatysy bar barlyq tulǵa anyqtaldy. Qazіrgі ýaqytta іs boıynsha tergeý amaldary júrgіzіlіp jatyr. Qazaqstan Respýblıkasynyń Qylmystyq-protsestіk kodeksіnіń 201-babyna sáıkes, tergeý múddesіne baılanysty ózge aqparat jarııalanbaıdy», – dep habarlady vedomstvo ókіlderі.
Qazіr quqyq qorǵaý organdary oqıǵanyń barlyq mán-jaıyn anyqtap jatyr.
Material avtory
