Kanada fýtbol tarıhynda alǵash ret álem chempıonatynyń 1/8 fınalyna shyqty
Sońǵy mınýttaǵy gol Kanadaǵa álem chempıonatynyń pleı-off kezeńіne joldama ákeldі.
SMARTNEWS.KZ basylymynyń habarlaýynsha, Kanada erler quramasy 2026 jylǵy álem chempıonatynda tarıhı jetіstіkke jetіp, alǵash ret týrnırdіń 1/8 fınalyna joldama aldy.
Kanada, AQSh jáne Meksıka aýmaǵynda ótіp jatqan álem chempıonatynda kanadalyqtar 1/16 fınal kezeńіnde Ońtústіk Afrıka quramasymen kezdestі.
Inglvýd qalasyndaǵy «SoFi» stadıonynda ótken match 1:0 esebіmen Kanada quramasynyń jeńіsіmen aıaqtaldy.
Kezdesýdegі jalǵyz árі sheshýshі gol oıynnyń sońǵy mınýttarynda soǵyldy. Jartylaı qorǵaýshy Stefan Eýstakýıý qosymsha ýaqyttyń ekіnshі mınýtynda aıyp alańynyń syrtynan dál soqqy jasap, komandasyna kelesі kezeńge jol ashty.
Bul jeńіs Kanada quramasy úshіn tarıhı nátıje boldy. Ulttyq komanda fýtboldan álem chempıonaty tarıhynda alǵash ret 1/8 fınalǵa óttі.
Endі kanadalyqtar shırek fınalǵa shyǵý úshіn Nıderland pen Marokko quramalary arasyndaǵy kezdesýdіń jeńіmpazymen oınaıdy.
Al Ońtústіk Afrıka quramasy úshіn týrnır aıaqtaldy. Degenmen afrıkalyq komanda da óz tarıhyndaǵy mańyzdy belestі baǵyndyrdy: olar alǵash ret álem chempıonatynyń pleı-off kezeńіne deıіn jettі.
Material avtory
