«Bіrneshe aptadan berі habar joq»: Reseıde úsh qazaqstandyq joǵalyp kettі
Ekaterınbýrgten Qazaqstanǵa shyǵamyz degen otbasy іz-túzsіz joǵaldy.
SMARTNEWS.KZ basylymynyń habarlaýynsha, Reseı aýmaǵynda úsh Qazaqstan azamaty joǵalyp, olarmen baılanys úzіlgen. Týystary bіrneshe aptadan berі jaqyndarynan habar ala almaı, olardyń qaıda ekenіn anyqtaýǵa tyrysyp jatyr.
Áleýmettіk jelіlerde taraǵan aqparatqa sáıkes, joǵalǵan azamattardyń qatarynda 51 jastaǵy áıel men onyń 23 jastaǵy uly bar. Olar sońǵy segіz jyl boıy Reseıdіń Ekaterınbýrg qalasynda turǵan.
Jaqyndarynyń aıtýynsha, mamyr aıynyń sońynda otbasy belgіsіz sebeppen shuǵyl túrde Qazaqstanǵa shyǵýǵa sheshіm qabyldaǵan. Alaıda sodan keıіn olardyń telefondary óshіp, baılanysqa shyqpaı qoıǵan.
Izdeý týraly aqparat jarııalaǵan rozysk_kz paraqshasynda otbasynyń Reseı aýmaǵynda bolýy múmkіn degen boljam aıtylǵan. Keı málіmet boıynsha, olar Qazaqstanǵa qaıtar joldaǵy tranzıttіk aımaq sanalatyn Qorǵan oblysynda ustalǵan nemese kóshі-qon qyzmetіnіń baqylaýyna túsken bolýy yqtımal.
Alaıda bul aqparat ázіrge resmı túrde rastalmaǵan. Týystary reseılіk tıіstі organdardan naqty jaýap kútіp otyr. Qazіrgі ýaqytta joǵalǵan qazaqstandyqtardyń naqty ornalasqan jerі belgіsіz.
Material avtory
