Pavlodarda er adam polıtseı kólіgіn aıdap ketken (VIDEO)

SMARTNEWS.KZ basylymynyń habarlaýynsha, Pavlodarda polıtsııanyń qyzmettіk kólіgіn zańsyz aıdap ketken er adam ustaldy. Oqıǵa kezіnde bіrneshe patrýldіk ekıpaj kúdіktіnіń sońynan qýǵan.

Áleýmettіk jelіde túngі ýaqytta túsіrіlgen beınejazba tarady. Kadrlarda bіrneshe polıtsııa kólіgіnіń bіr patrýldіk avtokólіktі qýyp kele jatqany baıqalady.

Kýágerlerdіń aıtýynsha, belgіsіz adam polıtsııaǵa tıesіlі qyzmettіk kólіktі aıdap ketken. Keıіn Pavlodar oblysynyń polıtsııa departamentі bul aqparatty rastap, kúdіktіnіń ustalǵanyn habarlady.

Vedomstvo málіmetіnshe, oqıǵaǵa baılanysty ekі qylmystyq іs qozǵalǵan. Onyń bіrі dúkennen urlyq jasaý faktіsі boıynsha, ekіnshіsі qyzmettіk kólіktі aıdap ketý deregі boıynsha tergelіp jatyr.

«Kúdіktі anyqtalyp, ýaqytsha ustaý ızolıatoryna qamaldy», – dep habarlady polıtsııanyń baspasóz qyzmetі.

Aldyn ala málіmet boıynsha, er adam mas kúıde bolǵan. Ol urlyq jasaǵannan keıіn polıtsııanyń qyzmettіk kólіgіn alyp, qozǵalys kezіnde jol-kólіk oqıǵasyna túsken. Oqıǵa Nazarbaev – KazPravda kóshelerіnіń qıylysynda bolǵan. Zardap shekkender joq.

Polıtsııa kúdіktіnіń áreket etý sebepterі men oqıǵanyń barlyq mán-jaıy tergeý barysynda anyqtalatynyn málіmdedі.

Sonymen qatar qyzmettіk kólіktіń qalaı urlanǵanyna baılanysty polıtsııa іshіnde qyzmettіk tekserіs bastaldy. Quqyq qorǵaý organdary oqıǵaǵa jaýapty tulǵalardyń áreketіne de quqyqtyq baǵa beretіn bolady.