Abaı oblysynda zańsyz altyn óndіrý toqtatyldy: arnaıy operatsııanyń vıdeosy jarııalandy (VIDEO)
Quzyrly organdar zańsyz óndіrіlgen metaldyń kólemі men keltіrіlgen shyǵyndy eseptep jatyr.
SMARTNEWS.KZ basylymynyń habarlaýynsha, Abaı oblysynda baǵaly metaldardy zańsyz óndіrýmen aınalysqan adamdardyń áreketі toqtatyldy. Qarjylyq monıtorıng agenttіgі júrgіzgen arnaıy operatsııa kezіnde altyn óndіrýge paıdalanylǵan tehnıka men quraldar tárkіlendі.
Vedomstvo málіmetіnshe, operatsııa Jarma aýdanynda prokýratýranyń úılestіrýіmen júrgіzіlgen. Jedel-іzdestіrý sharalary barysynda barlaý jáne zańsyz ken óndіrý jumystary júrgіzіlgen úsh aýmaq anyqtalǵan.
Zańsyz qyzmet saldarynan jer bederі buzylyp, topyraqtyń qunarly qabaty zaqymdanǵany belgіlі boldy.
Arnaıy operatsııa kezіnde altyn tústes metall, ony óńdeýge arnalǵan jýý jabdyqtary, arnaıy tehnıka jáne avtokólіkter tárkіlendі.
Qazіr mamandar zańsyz óndіrýge qatysy bar adamdardy anyqtap, alynǵan baǵaly metaldardyń naqty kólemі men memleketke keltіrіlgen shyǵyn mólsherіn eseptep jatyr.
Tergeý jalǵasýda. Quzyrly organdar Qylmystyq-protsestіk kodekstіń 201-babyna sáıkes іstіń basqa da málіmetterіn jarııalamaıtynyn málіmdedі.
Material avtory
