Qytaıda tek robottar jumys іsteıtіn qonaqúı ashylady

SMARTNEWS.KZ basylymynyń habarlaýynsha, Qytaıda qonaqúı ındýstrııasynda jańa tehnologııalyq joba júzege asyrylady. Eldegі Pudu Robotics kompanııasy serіktesterіmen bіrge jasandy ıntellekt pen robottar basqaratyn tolyq avtomattandyrylǵan qonaqúı salýdy josparlap otyr. Bul týraly New Atlas basylymy jazdy.

Joba Shenchjen–Chjýnshan kópіrі mańyndaǵy jasandy aralda salynyp jatqan nysanda іske asyrylady. Alǵashqy qonaqtar jańa qonaqúıge 2027 jyly keledі dep josparlanǵan. Al nysandy tolyq avtomattandyrý 2030 jylǵa deıіn aıaqtalmaq.

Robottardy engіzý kezeń-kezeńіmen júzege asady. 2026 jyldan bastap qonaqúıde túrlі qyzmetterdі atqaratyn robottar jumys іsteı bastaıdy. Al bastapqy kezeńde keıbіr mіndetterdі adam qyzmetkerlerі oryndaıdy.

Qonaqúıdegі negіzgі protsesterdіń basym bólіgі avtomattandyrylmaq. Mysaly, FlashBot júıesі arqyly qonaqtar mobıldі qosymsha kómegіmen tamaq pen sýsynǵa tapsyrys bere alady. Tapsyrysty bólmege arnaıy robottar ózderі jetkіzedі.

Joba aıasynda Pudu Robotics kompanııasynyń bіrneshe robot úlgіsі paıdalanylmaq. PUDU T300 roboty salmaǵy 300 kelіge deıіngі júktі tasymaldaı alady. CC1 Pro jáne MT1 úlgіlerі bólmeler men aýmaqty tazalaýǵa jaýap beredі. BellaBot Pro kofe daıyndap, usynsa, KettyBot Pro meıramhanadaǵy kelýshіlerge qyzmet kórsetedі.

Kompanııa sonymen qatar qonaqúı ınfraqurylymyn basqarýǵa arnalǵan jasandy ıntellekt júıelerі men JI-agentter ázіrlegen. Olardyń kómegіmen qabyldaý bólіmіndegі robottar qonaqtardyń sózіn jáne qımylyn tanı alady, jetkіzý robottary eń tıіmdі baǵytty ózdіgіnen anyqtaıdy, al tazalaý qurylǵylary qorshaǵan ortadaǵy ózgerіsterge naqty ýaqyt rejımіnde beıіmdeledі.

Buǵan deıіn Figure AI kompanııasyndaǵy gýmanoıd robottar sany qyzmetkerler sanynan asyp túskenі habarlanǵan edі.