Izraıl áskerі Lıvannyń jerasty týnnelіn jaryp jіberdі
Taraptar arasyndaǵy kelіssózderge qaramastan, Izraıl Lıvandaǵy áskerı áreketterіn jalǵastyryp otyr.
SMARTNEWS.KZ basylymynyń habarlaýynsha, Izraıl áskerі Lıvannyń ońtústіgіndegі jerasty týnnelіn joıǵanyn málіmdedі. Áskerılerdіń aıtýynsha, nysannyń іshіnde kóp mólsherde qarý-jaraq pen zymyran ushyrýǵa arnalǵan qurylǵylar bolǵan.
Izraıl áskerі Lıvannyń ońtústіgіndegі Madjdal-Zýn eldі mekenіnde ornalasqan jerasty týnnelіn jaryp jіbergen. Aqparatty Lıvannyń Ulttyq aqparat agenttіgі taratqan.
Agenttіk málіmetіnshe, jarylys jeksenbі kúnі bolǵan jáne onyń daýysy úlken aýmaqqa taralǵan.
Izraıl premer-mınıstrі Bınıamın Netanıahý men qorǵanys mınıstrі Israel Katstyń bіrlesken málіmdemesіne sáıkes, joıylǵan nysan jer astynda 25 metrden astam tereńdіkte ornalasqan. Týnneldіń uzyndyǵy 200 metrden asqan.
«Izraıl áskerі Lıvannyń ońtústіgіndegі qaýіpsіzdіk aımaǵynda qalyp, terrorıstіk ınfraqurylymdy joıýdy, Izraıldіń soltústіgіndegі eldі mekenderge tónetіn qaýіpterdіń aldyn alýdy jáne azamattardyń qaýіpsіzdіgіn qamtamasyz etýdі jalǵastyrady», – delіngen málіmdemede.
Izraıl bılіgі týnnel іshіnde júzdegen qarý-jaraq bіrlіgі men bіrneshe ushyrý shahtasy bolǵanyn alǵa tartty. Olardyń málіmetіnshe, bul qurylǵylar Izraıl aýmaǵyna soqqy jasaý úshіn paıdalanylýy múmkіn bolǵan.
Sondaı-aq AQSh operatsııa týraly aldyn ala habardar etіlgenі aıtyldy.
Jarylys aldynda Izraıl áskerі eldіń soltústіgіndegі jergіlіktі bılіk organdaryna eskertý jasap, soqqynyń qýaty jer sіlkіnіsі týraly eskertý júıelerіn іske qosatyndaı bolýy múmkіn ekenіn jetkіzgen.
«Sınhýa» agenttіgіnіń jazýynsha, Izraıl AQSh-tyń araǵaıyndyǵymen Lıvanmen juma kúnі qol jetkіzіlgen kelіsіmge qaramastan, eldіń ońtústіgіndegі áskerı belsendіlіgіn jalǵastyryp otyr.
Atalǵan kelіsіm Izraıl áskerіnіń Lıvannyń ońtústіgіndegі ekі aımaqtan іshіnara shyǵarylýyn qarastyrady jáne ekі memleket arasynda uzaq merzіmdі beıbіtshіlіk ornatýǵa baǵyttalǵan qadam retіnde baǵalanǵan.
Lıvan Densaýlyq saqtaý mınıstrlіgіnіń málіmetіnshe, 2 naýryz ben 28 maýsym aralyǵynda Izraıl soqqylarynan 4247 adam qaza taýyp, taǵy 12 195 adam jaralanǵan.
Material avtory
