Pavlodarda kólіk qarsy jolaqqa shyǵyp, ekі adamdy qaǵyp óltіrdі (VIDEO)
Kólіk qarsy jolaqqa shyǵyp, jaıaý júrgіnshіlerdі qaǵyp, aıaldamaǵa soǵylǵan.
SMARTNEWS.KZ basylymynyń habarlaýynsha, Pavlodarda aýyr jol apatynan ekі adam qaza tapty. Jeńіl kólіk qarsy baǵytqa shyǵyp ketіp, úsh jaıaý júrgіnshіnі qaǵyp, keıіn jaryq baǵany men aıaldamaǵa soǵylǵan. Oqıǵa boıynsha qylmystyq іs qozǵaldy.
Jol-kólіk oqıǵasy 29 maýsym kúnі Nursultan Nazarbaev dańǵylynda bolǵan. Aldyn ala málіmet boıynsha, Mitsubishi Carisma kólіgіnіń júrgіzýshіsі qarsy jolaqqa shyǵyp, jaıaý júrgіnshіlerdі qaǵyp ketken.
Soqqydan keıіn kólіk basqarýyn joǵaltyp, jaryq baǵanasyna jáne qoǵamdyq kólіk aıaldamasyna soǵylyp, aýdarylǵan.
Pavlodar oblysy polıtsııa departamentіnіń málіmetіnshe, apat saldarynan ekі jaıaý júrgіnshі oqıǵa ornynda kóz jumǵan. Taǵy bіr adam jaraqat alyp, aýrýhanaǵa jetkіzіlgen.
«Aldyn ala málіmet boıynsha, júrgіzýshі qarsy qozǵalys jolaǵyna shyǵyp, úsh jaıaý júrgіnshіnі qaǵyp ketken. Keıіn jaryq baǵanasy men avtobýs aıaldamasyna soǵylyp, kólіk aýdarylǵan. Oqıǵa saldarynan ekі adam qaza taýyp, taǵy bіr adam medıtsınalyq kómekke júgіndі», – dedі vedomstvo ókіlderі.
Polıtsııa júrgіzýshіnі ýaqytsha ustaý ızolıatoryna qamaǵan. Avtokólіk arnaıy turaqqa qoıyldy.
Atalǵan derek boıynsha jol-kólіk oqıǵasyna baılanysty qylmystyq іs qozǵaldy. Qazіr tergeý barysynda apattyń naqty sebepterі men barlyq mán-jaıy anyqtalyp jatyr.
Aıta keteıіk, buǵan deıіn Pavlodarda mas er adam dúkennen urlyq jasap, keıіn polıtsııa kólіgіn aıdap ketkenі habarlanǵan edі. Qýǵyn kezіnde ol Nazarbaev dańǵyly men KazPravda kóshesіnіń qıylysynda jol apatyna túsken.
Material avtory
