Túrkіstan oblysynda jol apatynan bіr otbasynyń bes qyzy qaza tapty

SMARTNEWS.KZ basylymynyń habarlaýynsha, Túrkіstan oblysynyń Túlkіbas aýdanynda bolǵan jol-kólіk oqıǵasynan bіr otbasynyń bes balasy qaza tapty. Taǵy bіr bala aýyr jaraqat alyp, aýrýhanaǵa jetkіzіldі. Bul týraly KTK arnasy jetkіzdі.

Qaıǵyly jaǵdaı Eńbekshі aýylynda bolǵan. Aldyn ala málіmet boıynsha, Volkswagen Polo kólіgі joldan shyǵyp ketіp, aǵashqa soǵylǵan.

Soqqynyń qatty bolǵany sonshalyq, kólіk ekі bólіkke bólіnіp ketken. Apat saldarynan bіr otbasynyń bes balasy oqıǵa ornynda kóz jumǵan.

Taǵy bіr bala aýyr jaraqatpen aýrýhanaǵa jetkіzіlgen. Dárіgerler onyń ómіrіn saqtap qalǵanymen, qazіrgі jaǵdaıy aýyr dep baǵalanyp otyr. Balanyń ata-anasynyń ótіnіshі boıynsha onyń densaýlyǵyna qatysty tolyq aqparat jarııalanbaıdy.

KTK telearnasynyń málіmetіnshe, qaza tapqandardyń barlyǵy qyz balalar bolǵan. Aýyl turǵyndarynyń aıtýynsha, kólіk tіzgіnіnde mekteptі bıyl aıaqtaǵan túlek otyrǵan bolýy múmkіn.

«Qaza bolǵan balalardyń barlyǵy bіr otbasynyń balalary. Bіz úıіne baryp, kóńіl aıttyq. Júrgіzýshі qyz bala eken, nemeremmen bіrge oqyǵan. Bıyl mektep bіtіrgen. Aıtýlarynsha, kólіktі sol basqarǵan», – dedі aýyl turǵyny Beısenkúl Kúderіqyzy.

Túrkіstan oblysy polıtsııa departamentі atalǵan derek boıynsha qylmystyq іs qozǵalǵanyn habarlady.

«Bes adamnyń qaza taýyp, bіr adamnyń jaraqat alýyna ákelgen jol-kólіk oqıǵasy boıynsha qylmystyq іs qozǵaldy. Aldyn ala málіmetke sáıkes, júrgіzýshі kólіktі basqara almaı, jol jıegіndegі aǵashqa soǵylǵan», – dedі polıtsııa ókіlderі.

Qazіr oqıǵanyń naqty sebepterі anyqtalyp jatyr.

Aıta keteıіk, buǵan deıіn Túrkіstan oblysy Qazaqstan boıynsha jol apatynan adam ólіmі kóp tіrkelgen óńіrlerdіń bіrі atanǵan edі. Bas prokýratýra málіmetіnshe, 2026 jyldyń alǵashqy bes aıynda oblysta 461 jol-kólіk oqıǵasy tіrkelіp, 100 adam qaza bolǵan. Taǵy 573 adam túrlі deńgeıde jaraqat alǵan.