Makron kópshіlіk aldyna qaıtadan qara kózіldіrіkpen shyqty
Frantsııa prezıdentіnіń qara kózіldіrіgі taǵy da jurt nazaryn aýdardy.
SMARTNEWS.KZ basylymynyń habarlaýynsha, Frantsııa prezıdentі Emmanýel Makron resmı kezdesýler kezіnde taǵy da qara kózіldіrіkpen kórіndі. Onyń bul beınesі áleýmettіk jelіlerde qyzý talqylanyp jatyr.
Makron Parıjde Oman sultany Haısam ben Tarıkpen kezdesken kezde qara kózіldіrіk taqqan. Frantsııa prezıdentі kezdesýden keıіn áleýmettіk jelіdegі paraqshasynda Oman basshysymen júzdeskenіn jazyp, sýretterіn jarııalady.
Sondaı-aq Elıseı saraıynyń resmı paraqshasynda Frantsııa men Oman arasyndaǵy forýmnan vıdeo jarııalandy. Kadrlarda Makronnyń kózіldіrіkpen júrgenі baıqalady.
Keıіn frantsýz kóshbasshysy Taıland korolі Maha Vachıralongkorn men onyń jubaıy, patshaıym Sýthıdamen kezdesken. Bul kezdesýde de Makron qara kózіldіrіgіn sheshpegen.
Prezıdenttіń mundaı beınesі ınternet qoldanýshylarynyń nazaryn aýdardy. Sebebі bul Makronnyń bіr jyl іshіndegі qara kózіldіrіkpen kópshіlіk aldyna ekіnshі ret shyǵýy.
Buǵan deıіn 2026 jyldyń qańtarynda Makron Elıseı saraıyndaǵy kezdesýlerdіń bіrіnde kózіldіrіkpen kórіngen edі. Sol kezde ol kózіndegі qan tamyry jarylǵanyn aıtyp, bіraz ýaqyt qara kózіldіrіk taǵýǵa týra keletіnіn túsіndіrgen.
Aıta keteıіk, 2025 jyldyń mamyrynda Makronǵa qatysty taǵy bіr oqıǵa áleýmettіk jelіlerde keń talqylanǵan bolatyn. Vetnamǵa sapary kezіnde túsіrіlgen vıdeoda onyń jubaıy Brıjıt Makronǵa qol kótergendeı kórіngen sát taraǵan.
Keıіn frantsýz prezıdentі bul kadrda erlі-zaıyptylardyń qaljyńdap turǵan sátі túsіrіlgenіn aıtyp, jaǵdaıdy túsіndіrgen.
Material avtory
