«Terakt bolýy múmkіn»: Monakoda ýkraınalyq bıznesmendі jaryp jіberdі

SMARTNEWS.KZ basylymynyń habarlaýynsha, Monakoda turǵyn úıde bolǵan kúshtі jarylystan úsh adam zardap shektі. Olardyń arasynda ýkraınalyq kásіpker Vadım Ermolaev pen onyń otbasy múshelerі bar. Oqıǵaǵa baılanysty bılіk yqtımal terakt nusqasyn tekserіp jatyr.

Jarylys 29 maýsym kúnі keshke Frantsııamen shekaraǵa jaqyn ornalasqan Reverend Per Lýı Frolla kóshesіndegі turǵyn úıde bolǵan. Aldyn ala málіmet boıynsha, zardap shekkenderdіń qatarynda 50 jas shamasyndaǵy erlі-zaıypty jáne olardyń 13 jastaǵy uly bar.

Erlі-zaıyptylardyń jaǵdaıy óte aýyr dep baǵalanyp otyr. Al jasóspіrіmnіń jaraqaty jeńіlіrek bolǵan. Úsheýі de Nıtstsa qalasyndaǵy aýrýhanalarǵa jetkіzіlgen.

Tergeý nusqasy boıynsha, jarylys qasaqana uıymdastyrylǵan bolýy múmkіn. Baqylaý kameralary oqıǵa aldynda ǵımarattyń kіreberіsіne sómke qaldyrǵan er adamdy túsіrіp alǵan. Kúdіktі keıіn jaıaý ketіp, Frantsııanyń Bosoleı qalasyna qaraı baǵyt alǵan.

Kýágerler men kamera jazbalary boıynsha kúdіktі ashyq tústі shalbar, qara kúrte jáne betіnіń bіr bólіgіn jaýyp turǵan bas kıіm kıgen.

Monako úkіmet basshysy Krıstof Mırman jarylǵysh zattyń quramynda metall zaqymdaýshy bólshekter bolýy múmkіn ekenіn aıtty. Qazіr oqıǵa ornynda tergeýshіler, saperler men polıtsııa qyzmetkerlerі jumys іstep jatyr.

Onyń sózіnshe, bul jaǵdaı knıazdіk tarıhyndaǵy alǵashqy yqtımal terakt bolýy múmkіn.

Ýkraınalyq BAQ zardap shekkenderdіń bіrі Dnepr qalasynan shyqqan kásіpker Vadım Ermolaev ekenіn jazdy. Ol Alef saýda-óndіrіstіk korporatsııasynyń negіzіn qalaýshy jáne qaladaǵy іrі qurylys kompanııalarynyń bіrіnіń ıesі retіnde tanymal.

Buǵan deıіn Ermolaev Forbes reıtıngіnde Ýkraınadaǵy eń baı adamdardyń qatarynda bolǵan. Keıіn ol ýkraın azamattyǵynan bas tartyp, Kıpr tólqujatyn alǵan.

2023 jyldyń jeltoqsanynda Ýkraına prezıdentі Vladımır Zelenskıı Ulttyq qaýіpsіzdіk jáne qorǵanys keńesіnіń sheshіmі negіzіnde Ermolaevqa 10 jyl merzіmge jeke sanktsııalar engіzgen. Ýkraına qaýіpsіzdіk qyzmetі buǵan onyń Qyrymdaǵy alkogol bıznesіne qatysy baryn jáne kompanııalarynyń Reseı bıýdjetіne salyq tólegenіn sebep retіnde kórsetken.

Monako bılіgі jarylysqa qatysty tergeýdі jalǵastyryp jatyr. Knıaz Alber II kіnálіlerdі anyqtaý úshіn barlyq qajettі shara qabyldanatynyn málіmdedі. Onyń aıtýynsha, oqıǵa búkіl knıazdіk úshіn úlken soqqy boldy.