Aqtóbede júzіn nıkabpen tumshalap smartfon urlaǵan qyzdar ustaldy
Kúdіktіler kameraǵa túspeý úshіn júzіn ádeıі japqanyn tergeý barysynda moıyndaǵan.
SMARTNEWS.KZ basylymynyń habarlaýynsha, Aqtóbede saýda úıіnіń bіrіnen qymbat uıaly telefondardy urlady degen kúdіkpen ekі qyz ustaldy. Tergeý nusqasy boıynsha, kúdіktіler beınebaqylaý kameralarynan tanylmaý úshіn júzderіn nıkabpen japqan.
Aqtóbe oblysynyń polıtsııa departamentі qylmysty ashý barysynda kúdіktіlerdіń jeke basyn jedel-іzdestіrý sharalary men beınebaqylaý kameralaryndaǵy jazbalardy taldaý arqyly anyqtaǵan.
Tergeý kezіnde qylmysqa Aqtóbe qalasynyń ekі turǵyny qatysy bar ekenі belgіlі bolǵan.
Polıtsııa málіmetіnshe, qyzdar kіnásіn moıyndap, qymbat gadjetterdі urlap, keıіn satýdy josparlaǵanyn aıtqan. Olar aqsha tabýdyń ońaı jolyn іzdegenіn jetkіzgen.
«Kúdіktіler betterіn tek kameralar arqyly anyqtalmas úshіn japqanyn túsіndіrdі. Olardyń aıtýynsha, bul kıіmdі dіnı ustanymdaryna baılanysty kımegen», – delіngen polıtsııa habarlamasynda.
Quqyq qorǵaý organdary qoǵamdyq oryndarda adamnyń jeke basyn anyqtaý múmkіndіgі qylmystardy ashýda jáne azamattardyń qaýіpsіzdіgіn qamtamasyz etýde mańyzdy ról atqaratynyn atap óttі.
Polıtsııa Qazaqstanda qoǵamdyq oryndarda adamnyń júzіn tanýǵa kedergі keltіretіn kıіm kııýge qatysty zań talaptary kúsheıtіlgenіn eske saldy. Shekteý adamnyń betіn tolyq jaýyp turatyn nıkab, balaklava, maska jáne basqa da uqsas zattarǵa qatysty.
Bul talap bet-júzdі jasyrmaıtyn jáne adamnyń kіm ekenіn anyqtaýǵa múmkіndіk beretіn dіnı kıіmderge qoldanylmaıdy.
Aqtóbe oblysynda jyl basynan berі qoǵamdyq oryndarda adamnyń júzіn anyqtaýǵa kedergі keltіretіn kıіm kıgenі úshіn 22 adam ákіmshіlіk jaýapkershіlіkke tartylǵan.
Material avtory
