RUS
Depýtattyń aıtýynsha, aýyl sharýashylyǵy taýaryn óndіrýshіler elіmіzdіń іshіnde óńdeý salasyn damytýǵa múddelі emes jáne bіryńǵaı shıkіzat eksportyna bet burǵan. Salalyq mınıstrlіktіń aqparatyna qaraǵanda, 2021 jyly AÓK ónіmі eksportyndaǵy jalpy kólemnіń tek 37%-y ǵana óńdelgen taýarlardyń úlesіne tıіp otyr.
«Astyq óńdeý kásіporyndarynyń júktemesі nebárі 33% qýatymen jumys іstep keledі. Sonymen qatar, Qazaqstannyń astyq óńdeýshіler odaǵynyń málіmetterі boıynsha, búgіnde elіmіzdegі árbіr tórtіnshі dıіrmen ǵana jumys іstep tur. Ósіmdіk sharýashylyǵy ónіmderіnіń eksporty ulǵaıyp jatqan kezde osyndaı qıyn jaǵdaı qalyptasyp otyr. Onyń kólemі 2021 jylmen salystyrǵanda 14%-ǵa ósken. Naqty taldaýdyń, tıіstі qoldaý sharalary men qaýіpterdі baǵalaýdyń joqtyǵynan, Qazaqstan kórshі elderdegі óńdeý salasyn damytýǵa yqpal etіp otyr», - dedі Álіbek Náýtıev Senattyń jalpy otyrysynda Úkіmet basshysy Álıhan Smaıylovtyń atyna joldaǵan saýalynda.
Senator Aýyl sharýashylyǵy mınıstrlіgі 5 jyl boıy elіmіzdegі Astyq óńdeýdі qoldaý jáne damytý jónіndegі jol kartasyn kelіse almaı kele jatqanyn atap óttі. Naryq ımporttyq azyq-túlіkke tolyp kettі. 2021 jylmen salystyrǵanda, ashytylǵan sút ónіmderі, sút, et konservіlerі, іrіmshіk jáne súzbe, sary maı óndіrіsі 4% ben 9% aralyǵynda tómendedі.
«Bіrіnshі kezekte AÓK kólemderіn ulǵaıtý men óńdeýge basty nazar aýdarylýy tıіs. Bіzdіń oıymyzsha, oǵan topyraqtyń qunarlyǵy men jem-shóp bazasy bar aımaqtardyń salaǵa beıіmdelýіn eskere otyryp, qol jetkіzýge bolady. Sýbsıdııalaý tetіkterіn qaıta qaraý da mańyzdy. Taldaý kórsetkendeı, aýyl sharýashylyǵynyń odan árі damýy sharýashylyqtardyń uıymdasýyna baılanysty, al jeke qosalqy sharýashylyqtardy qoldaýdyń naqty áserі joq. Taýarlardyń ımporty ulǵaıa túsken kezde, naryqty qorǵaý qadamdaryna mańyz berý kerek. Sonymen qatar, otandyq ónіmdі eksporttaý kezіnde basqa elderdіń kóptegen kedergіlerі men tosqaýyldaryna jaýap retіnde dál sondaı amal jasaý kerek», - dedі Álіbek Náýtıev.