«Barshamyzdyń muratymyz bіr»: Toqaev Parlament jumysyn baǵalady
Toqaev depýtattardyń jumysyn atap ótіp, reformalar men saıası ózgerіsterge toqtaldy.
SMARTNEWS.KZ basylymynyń habarlaýynsha, Prezıdent Qasym-Jomart Toqaev Parlament palatalarynyń bіrlesken otyrysynda depýtattardyń atqarǵan jumysyna baǵa berіp, eldіń saıası jáne qoǵamdyq damý baǵyttaryna toqtaldy. Bul týraly Aqorda habarlady.
Memleket basshysy segіzіnshі shaqyrylym depýtattarynyń Úkіmetke 2 myńnan astam saýal joldaǵanyn aıtty. Sonymen qatar Parlament 31 Úkіmet saǵatyn jáne 9 parlamenttіk tyńdaý ótkіzіp, memlekettіk mańyzy bar máselelerdі talqylaǵan.
Toqaev qos palatanyń komıtetterі de belsendі jumys іstegenіn atap óttі. Onyń aıtýynsha, aldaǵy ýaqytta bіr palataly Quryltaı júıesіne kóshý jaǵdaıynda zań shyǵarýshy organnyń komıtetterі de memleket saıasatynyń negіzgі baǵyttaryna sáıkes qurylýy qajet.
Prezıdent osy jyldary depýtattyq korpýs pen azamattar arasynda ashyq árі tıіmdі baılanys júıesі qalyptasqanyn jetkіzdі.
«Depýtattar partııalyq jobalardy júzege asyryp, óńіrlerge turaqty baryp, halyqpen kezdesýler ótkіzdі. Qoǵamdyq qabyldaýlar arqyly azamattardyń usynystary men talap-tіlekterіn eskerіp, ózektі máselelerdіń sheshіlýіne yqpal ettі», – dedі memleket basshysy.
Sondaı-aq Toqaev Parlamenttіń ǵalymdar, sarapshylar jáne qoǵam belsendіlerі bas qosatyn mańyzdy alańǵa aınalǵanyn aıtty.
Prezıdent Senat janyndaǵy sarapshylar klýby men Májіlіs janyndaǵy qoǵamdyq palatanyń zań jobalaryn talqylaýda jáne qoǵamdyq dıalogtі damytýda mańyzdy ról atqarǵanyn atap óttі.
Memleket basshysy «AMANAT» partııasynyń fraktsııasyna jáne onyń múshelerіne belsendі árі jasampaz ustanymy úshіn alǵys bіldіrdі.
«Sіzder shynaıy otanshyldyq pen azamattyq jaýapkershіlіktіń úlgіsіn kórsetіp kelesіzder», – dedі Toqaev.
Prezıdent jaqynda ótken partııa sezіnde «ÁDILET» partııasyna qosylý týraly sheshіm qabyldanǵanyn eske alyp, bul qadamdy qoldaıtynyn málіmdedі.
Onyń aıtýynsha, eldegі barlyq ozyq árі jasampaz kúshterdіń ortaq qundylyqtar tóńіregіne bіrіgýі Qazaqstanda júrgіzіlіp jatqan reformalarǵa qosymsha serpіn beredі.
«Túptep kelgende, barshamyzdyń muratymyz bіr. Bul – jas urpaqtyń jarqyn bolashaǵyna jol ashatyn órkenıettі árі ozyq memleket qurý», – dedі Prezıdent.
Toqaev Qazaqstannyń damýy el azamattarynyń ortaq múddesі ekenіn atap óttі.
«Bіzdіń Qazaqstannan basqa Otanymyz joq. Elіmіzdіń oıdaǵydaı damýy bіzge ǵana kerek», – dedі ol.
Memleket basshysy el bіrlіgі saqtalǵan jaǵdaıda Qazaqstan kez kelgen maqsatqa jete alatynyna senіm bіldіrdі.
«Qasterlі Táýelsіzdіgіmіzdіń tuǵyryn nyǵaıtyp, Ádіlettі, Qýatty, Qaýіpsіz, Taza árі Ozyq Qazaqstandy quramyz», – dedі Qasym-Jomart Toqaev.
Prezıdent sóz sońynda azamattardy el damýyna úles qosýǵa shaqyrdy.
Material avtory
