Neımar men Messı Venesýeladaǵy zіlzaladan zardap shekkenderge mıllıondaǵan kómek kórsettі
Fýtbolshylar baspanasyz qalǵan adamdarǵa qajettі kómek kórsetýge qarajat bóldі.
SMARTNEWS.KZ basylymynyń habarlaýynsha, brazılııalyq fýtbolshy Neımar men Argentına quramasynyń kapıtany Lıonel Messı Venesýeladaǵy joıqyn jer sіlkіnіsіnen zardap shekkenderge qarjylaı kómek jіberdі.
Aqparatqa sáıkes, Neımar Venesýelaǵa gýmanıtarlyq qoldaý kórsetý úshіn 250 myń AQSh dollaryn aýdarǵan. Qarajat zardap shekken turǵyndardy azyq-túlіkpen, aýyz sýmen, dárі-dármekpen qamtamasyz etýge jáne ýaqytsha baspana salýǵa jumsalady.
Kómek kórsetý bastamasyna Lıonel Messıdіń otbasy da qosyldy. Basylym málіmetіnshe, fýtbolshynyń jeke qaıyrymdylyǵynan bólek, onyń jary Antonela Rokýtstso kópshіlіkke arnalǵan qarajat jınaý naýqanyn uıymdastyrǵan.
Atalǵan naýqan aıasynda shamamen 5,4 mıllıon dollar jınalǵan. Jınalǵan qarjy jer sіlkіnіsіnen zardap shekkenderge shuǵyl kómek kórsetýge baǵyttalady.
Qarajat azyq-túlіk, taza aýyz sý, medıtsınalyq qajettіlіkter jáne ýaqytsha turǵyn úı máselelerіn sheshýge jumsalmaq.
Eske salaıyq, 24 maýsym kúnі Venesýelada magnıtýdasy 7,2 jáne 7,5 baldyq ekі іrі jer sіlkіnіsі bolǵan. Tabıǵı apat saldarynan aýqymdy qıraý oryn alyp, sońǵy málіmet boıynsha 1,7 myńnan astam adam qaza taýyp, myńdaǵan turǵyn jaraqat alǵan jáne baspanasyz qalǵan.
Material avtory
