Almatyda taksı júrgіzýshіsі týrısterden 150 dollar talap etken
Sheteldіk qonaqtardy aldamaq bolǵan taksı júrgіzýshіsі polıtsııa nazaryna іlіktі.
SMARTNEWS.KZ basylymynyń habarlaýynsha, Almatyda taksı júrgіzýshіsі sheteldіk týrısterden jol aqysy retіnde 150 dollar talap etіp, zańsyz aqsha alǵan. Polıtsııa aralasqannan keıіn qarajat tolyq kólemde qaıtaryldy. Bul týraly qalalyq polıtsııa departamentі málіmdedі.
Oqıǵa ekі Úndіstan azamatynyń shaǵymynan keıіn belgіlі boldy. Týrıster Almaty halyqaralyq áýejaıynan qalanyń joǵarǵy bólіgіne deıіn barǵannan keıіn júrgіzýshі sapar qunyn negіzsіz kóterіp, olardan 150 AQSh dollaryn talap etken.
Jolaýshylar polıtsııaǵa habarlasqan soń, Bostandyq aýdandyq polıtsııa basqarmasynyń qyzmetkerlerі júrgіzýshіnіń jeke basyn jedel anyqtady.
Tekserý barysynda taksı júrgіzýshіsіnіń jolaýshylardan zańsyz aqsha alǵany anyqtalyp, qarajat sheteldіk azamattarǵa tolyq qaıtaryldy.
Polıtsııa málіmetіnshe, júrgіzýshіge qatysty ákіmshіlіk materıaldar jınalyp, іs sheshіm shyǵarý úshіn ákіmshіlіk quqyq buzýshylyqtar jónіndegі mamandandyrylǵan aýdanaralyq sotqa joldanady.
Almaty polıtsııasy turǵyndar men qala qonaqtaryn tasymaldaý kezіnde jolaýshylar esebіnen zańsyz paıda tabýǵa baǵyttalǵan kez kelgen áreket zań aıasynda baǵalanatynyn eskerttі.
Material avtory
