Úkіmet basshysynyń nazaryna aýyl sharýashylyǵynyń, júk jáne arnaıy tehnıkalardyń, metall óńdeýge arnalǵan stanoktar men qurylǵylardyń, dánekerleý jabdyqtarynyń jáne іlespe materıaldardyń, baılanys quraldarynyń, optıkalyq aspaptardyń sońǵy úlgіlerі, sondaı-aq robototehnıkanyń, ónerkásіptіk 3D basyp shyǵarýdyń, óndіrіstі avtomattandyrýdyń, ınjınırıngtіń elementterі usynyldy. Bıylǵy kórmege 200-ge jýyq otandyq jáne sheteldіk kompanııa qatysýda.
Sonymen qatar Álıhan Smaıylovqa Qazaqstanda Hyundai Staria úlgіsіnde shyǵarylǵan medıtsınalyq jedel járdem kólіgі tanystyryldy. Ol qýatty qozǵaltqyshpen jáne álemdegі jetekshі óndіrýshіlerdіń zamanaýı jabdyqtarymen qamtylǵan. Salony keń bolǵanymen, kólіk halyq tyǵyz ornalasqan aýdandar men tar aýlalarda erkіn qozǵala alady.
Kórmege «Qostanaı traktor zaýyty» JShS Kırovets K-742 traktory, Lovol jáne Deutz Fahr traktorlary, sondaı-aq «Agromashholdıng KZ» AQ Essil kombaındary, «SemAZ» JShS Jinma traktory jáne basqa da aýyl sharýashylyǵy tehnıkasynyń ártúrlі úlgіlerі qoıyldy.
Premer-Mınıstr otandyq mashına jasaý salasyn odan árі damytý úshіn Úkіmet tıіstі qoldaý sharalaryn jalǵastyratynyn basa aıtty. Atap aıtqanda, jańa tehnoparkter qurýǵa, qarjylandyrýdyń qoljetіmdіlіgіn keńeıtýge, jergіlіktі qamtýdy arttyrýdy yntalandyrýǵa jáne kooperatsııalyq baılanystardy nyǵaıtýǵa, kásіpkerlіktі qoldaýdyń basqa da qajettі sharalaryn qabyldaýǵa basymdyq berіletіn bolady.