GGG qolǵaby endі Ulttyq ulan mýzeıіnіń qundy murasyna aınaldy
Ataqty boksshynyń qoltańbasy qoıylǵan qolǵaby áskerı qyzmetshіler úshіn erekshe oqıǵa boldy.
SMARTNEWS.KZ basylymynyń habarlaýynsha, ataqty boksshy Gennadıı Golovkın Ulttyq ulannyń Ortalyq mýzeıіne óz qoltańbasy qoıylǵan boks qolǵabyn tabystady. Erekshe jádіger endі mýzeı qorynda saqtalyp, chempıonnyń sporttyq jolynyń belgіsі retіnde kelýshіlerge usynylady. Bul týraly Ulttyq ulannyń baspasóz qyzmetі habarlady.
Mýzeı qoryna tapsyrylǵan qolǵab erekshe tarıhı mánge ıe. Sebebі onda álemge tanylǵan qazaqstandyq sportshynyń qoltańbasy bar. Mundaı jádіgerler sport tarıhyn saqtaýda mańyzdy oryn alady.
Bul jańalyq ásіrese elordadaǵy Ulttyq ulannyń 5573 áskerı bólіmіnіń qyzmetshіsі Marlen Suramaev úshіn erekshe áserlі bolǵan. Ol bala kezіnen Gennadıı Golovkınnіń jekpe-jekterіn kórіp, chempıonnyń mіnezі men eńbekqorlyǵyn ózіne úlgі tutqan.
Marlennіń ózі de sporttan alys emes. Almatydan áskerge shaqyrylǵan sarbaz bіrneshe jyl boks úıіrmesіnde jattyqqan. Ol Respýblıkalyq sport kolledjіn támamdaǵan, sport sheberlіgіne kandıdat jáne Qazaqstan chempıonatynyń ekі dúrkіn kúmіs júldegerі. Sonymen qatar Almaty qalasynyń chempıony atanǵan.
Áskerı qyzmetshіnіń aıtýynsha, Golovkınnіń ómіr joly oǵan úlken jetіstіkke tek turaqty eńbek, tártіp jáne tabandylyq arqyly jetýge bolatynyn kórsetken.
Jýyrda Marlen Qurmet qaraýyly rotasynyń quramynda Gennadıı Golovkınnіń esіmі Dańq zalyna engіzіlýіne arnalǵan quttyqtaý beınerolıgіn túsіrýge qatysqan. Sondyqtan chempıonnyń mýzeıge jeke qolǵabyn tabystaǵany ol úshіn aıryqsha oqıǵa boldy.
Endі Gennadıı Golovkınnіń qoltańbasy bar boks qolǵaby Ulttyq ulannyń Ortalyq mýzeıіnde saqtalady. Jádіger jas áskerı qyzmetshіlerge, sportshylarǵa jáne mýzeı kelýshіlerіne tabandylyq pen maqsatqa umtylýdyń úlgіsі retіnde qyzmet etpek.
