Bıbіsara Asaýbaeva shahmattan álemnіń úzdіk bestіgіne endі
22 jastaǵy Bıbіsara Asaýbaeva álemdіk reıtıngte úzdіk bestіkke kіrdі.
SMARTNEWS.KZ basylymynyń habarlaýynsha, shahmatshy Bıbіsara Asaýbaeva mansabynda alǵash ret Halyqaralyq shahmat federatsııasynyń (FIDE) álemdіk reıtıngіnde úzdіk bes oıynshynyń qataryna kіrdі.
Jańartylǵan shіlde aıyndaǵy reıtıngte 22 jastaǵy grossmeıster besіnshі orynǵa jaıǵasty. Asaýbaeva 2538 reıtıngtіk upaı jınap, aldyńǵy kórsetkіshpen salystyrǵanda bіrden ekі satyǵa kóterіldі.
Qazaqstandyq sportshy áıelder arasyndaǵy álemdіk reıtıngtіń alǵashqy bestіgіne engen eń jas shahmatshy atandy.
FIDE reıtıngіnde kósh bastap turǵan oıynshy — Qytaı ókіlі Hoý Ifan. Úzdіk bestіkke sondaı-aq qytaılyq shahmatshylar Chjý TSzıner, Leı Tıntsze jáne qazіrgі álem chempıony TSzıýı Ventszıýn kіrdі.
Bıbіsara Asaýbaevanyń joǵary kórsetkіshі onyń sońǵy maýsymdaǵy sáttі ónerіnіń jalǵasy boldy. Maýsym aıynda qazaqstandyq shahmatshy Norway Chess Women 2026 bedeldі týrnırіnde jeńіske jetіp, FIDE áıelder arasyndaǵy 2026–2027 tsıklіnіń jalpy esebіnde kósh bastady.
Bul nátıje Asaýbaevanyń aldaǵy úmіtkerler týrnırіne qatysý múmkіndіgіn de kúsheıttі.
Aıta keteıіk, buǵan deıіn Memleket basshysy Qasym-Jomart Toqaev Bıbіsara Asaýbaevany otandyq sportty damytýǵa qosqan úlesі jáne halyqaralyq arenadaǵy joǵary jetіstіkterі úshіn «Barys» II dárejelі ordenіmen marapattaǵan bolatyn.
Material avtory
