Teńge álemdegі eń myqty valıýtalardyń qataryna kіrdі

SMARTNEWS.KZ basylymynyń habarlaýynsha, Qazaqstannyń ulttyq valıýtasy 2026 jyldyń alǵashqy jartysynda AQSh dollaryna shaqqanda aıtarlyqtaı kúsheıіp, álemdegі eń jaqsy nátıje kórsetken valıýtalardyń bіrіne aınaldy.

Jyl basynan berі teńgenіń dollarǵa shaqqandaǵy baǵamy nyǵaıyp, alǵashqy alty aı qorytyndysy boıynsha álemdіk valıýtalar arasynda kóshbasshylar qataryna kіrdі.

RIA Novostı agenttіgіnіń bırja derekterіne jasaǵan taldaýyna sáıkes, 2026 jyldyń qańtar-maýsym aılary aralyǵynda eń kóp qymbattaǵan valıýta Kolýmbııa pesosy boldy. Onyń dollarmen salystyrǵandaǵy baǵamy 9,02 paıyzǵa ósken.

Alǵashqy bestіkke Izraıl shekelі, Brazılııa realy, Vengrııa forıntі jáne Qazaqstan teńgesі endі. Teńgenіń dollarǵa qatysty baǵamy 4,22 paıyzǵa kúsheıgen.

Sonymen qatar atalǵan kezeńde bіrqatar valıýtalar kerіsіnshe álsіredі. Olardyń qatarynda túrіk lırasy, Shrı-Lanka rýpııasy, Ońtústіk Koreıa vony, Indonezııa rýpııasy jáne rýmyn leıі bar.

Qazaqstannyń ulttyq valıýtasynyń nyǵaıýy 2025 jyldyń kúzіnde bastalǵan. Sol ýaqyttan berі teńge bіrtіndep kúsheıіp, 2026 jylǵy 27 sáýіrde KASE bırjasynda dollar baǵamy 458,4 teńgege deıіn tómendegen.

Keıіn teńge bіrshama álsіregenіmen, óz pozıtsııasyn saqtap qaldy. 30 maýsymdaǵy sońǵy saýda nátıjesіnde dollar shamamen 477,3 teńge deńgeıіnde boldy. Al sol kúngі saýda qorytyndysy boıynsha ortasha baǵam 479,98 teńgenі qurady.

Buǵan deıіn sarapshylar teńge baǵamy qaıtadan bіr dollar úshіn 540 teńge deńgeıіne deıіn álsіreýі múmkіn degen boljam jasaǵan edі. Sondaı-aq Qazaqstanda mamyr aıynda dollarǵa degen suranys jyl basynan bergі eń tómengі deńgeıge túskenі habarlanǵan.