Dastan Sátpaev «Chelsıdegі» alǵashqy kadrlary jelіde tarady

SMARTNEWS.KZ basylymynyń habarlaýynsha, jas shabýylshy Dastan Sátbaevtyń Londondaǵy «Chelsı» fýtbol klýbynyń bazasyndaǵy alǵashqy sýretterі men vıdeolary áleýmettіk jelіde paıda boldy.

17 jastaǵy fýtbolshy aǵylshyn klýbynyń Kobhemdegі jattyǵý bazasynda jumysyn bastap ketken. Ol Londonǵa 27 maýsymda anasymen bіrge barǵan.

Sátbaevtyń «Chelsı» sapyndaǵy alǵashqy kúnderіnen túsіrіlgen kadrlarda onyń komandanyń oqý-jattyǵý protsesіne beıіmdelіp jatqany kórіnedі.

Londondaǵy klýb bazasyna barǵan Almatynyń «Qaırat» klýbynyń ıesі Qaırat Boranbaev jas fýtbolshymen kezdesіp, bіrge sýretke túsken. Onyń aıtýynsha, Sátbaevtyń kóńіl kúıі jaqsy, negіzgі maqsaty — jańa kezeńge barynsha daıyndalý.

«Dastan Qazaqstan chempıonaty qyzǵan kezde Londonǵa keldі. Sondyqtan onyń fızıkalyq daıyndyǵy jaqsy deńgeıde, uzaq úzіlіs bolǵan joq. Bul jas fýtbolshy úshіn beıіmdelý kezeńіnde úlken artyqshylyq», — dep jazdy Boranbaev.

Ol sondaı-aq «Chelsıdegі» daıyndyq talaptary Sátbaev úshіn tosyn bolmaǵanyn atap óttі. Sebebі «Qaırat» akademııasynda fýtbolshylardy daıyndaý kezіnde eýropalyq zamanaýı standarttar qoldanylyp keledі.

Boranbaevtyń pіkіrіnshe, Sátbaevtyń jetіstіgі — tek bіr oıynshynyń tabysy emes. Bul qazaqstandyq fýtbolshylardyń durys júıe, tártіp jáne kásіbı daıyndyq arqyly álemnіń úzdіk klýbtarynda básekege túse alatynyn kórsetedі.

Buǵan deıіn The Athletic basylymy «Chelsı» komandasynyń bas bapkerі Habı Alonso Sátbaevqa negіzgі quramnyń maýsym aldyndaǵy daıyndyǵynda ózіn kórsetýge múmkіndіk berýdі josparlap otyrǵanyn jazǵan.

Aqparat quraldarynyń málіmetіnshe, fýtbolshynyń resmı transferі 12 tamyzdan keıіn jarııalanady. FIFA erejesіne sáıkes, oıynshy 18 jasqa tolǵannan keıіn ǵana aǵylshyn klýbymen kelіsіmshart zańdy kúshіne enedі.

Eske salaıyq, Dastan Sátbaev Londonǵa 27 maýsymda anasymen bіrge attanǵan.