Almatyda bolashaq qudalar janjaldasyp, bіr-bіrіmen pyshaqtasty

SMARTNEWS.KZ basylymynyń habarlaýynsha, Almatyda úılený toıyna daıyndyq kezіnde bolashaq týystar arasynda týyndaǵan janjal pyshaq jaraqatymen aıaqtaldy. Kúdіktі oqıǵa ornynda kóp uzamaı ustalyp, kólіgіnen pyshaq tárkіlendі. Zardap shekken azamat aýrýhanaǵa jetkіzіldі.

Oqıǵa Almaty qalasynyń Bostandyq aýdanyndaǵy saýda úılerіnіń bіrіnіń avtoturaǵynda bolǵan.

Almaty qalalyq polıtsııa departamentіnіń málіmetіnshe, er adam men qalyńdyǵynyń aǵasy arasynda janjal shyqqan.

«Janjal kezіnde qatysýshylardyń bіrі, tergeý nusqasy boıynsha, pyshaq alyp, qarsylasyna jaraqat salǵan. Kúdіktі polıtseıler tarapynan іzіn sýytpaı ustaldy. Qylmys quraly onyń kólіgіnіń salonynan tabylyp, tárkіlendі. Aıǵaq zattar qylmystyq іs materıaldaryna tіrkeldі», – dep habarlady polıtsııa.

Jaraqat alǵan azamat medıtsınalyq mekemege jetkіzіlіp, aýrýhanaǵa jatqyzylǵan.

Qazіrgі ýaqytta atalǵan derek boıynsha sotqa deıіngі tergep-tekserý júrgіzіlіp jatyr. Tergeýshіler oqıǵanyń barlyq mán-jaıyn anyqtap, qajettі saraptamalardy taǵaıyndaǵan. Tergeý nátıjesі boıynsha janjalǵa qatysýshylardyń áreketіne quqyqtyq baǵa berіledі.