«Bárі bіttі, jylama»: Atyraýda muǵalіmdі óltіrgen kúıeýіne úkіm shyqty

SMARTNEWS.KZ basylymynyń habarlaýynsha, Atyraýda bastaýysh synyp muǵalіmі bolǵan 58 jastaǵy áıelіn óltіrdі dep aıyptalǵan 63 jastaǵy er adamǵa sot úkіm shyǵaryldy. Bul týraly «Aq Jaıyq» basylymy jazdy.

Sot materıaldaryna sáıkes, erlі-zaıyptylardyń arasynda uzaq jyldar boıy qyzǵanyshtan týyndaıtyn janjaldar jıі bolǵan. Er adam áıelіn opasyzdyq jasady dep kúdіktenіp, onyń júrіs-turysyn únemі baqylaýda ustaǵan. Ol páterge beınebaqylaý kamerasyn ornatyp, uıaly telefondaǵy qosymsha arqyly áıelіnіń júrgen jerіn qadaǵalap otyrǵan.

Qaıǵyly oqıǵa bolǵan túnі olardyń arasynda taǵy da janjal shyqqan. Osydan keıіn áıel 12 jastaǵy qyzymen bіrge uıyqtaýǵa jatqan. Túngі saǵat ekі shamasynda er adam asúıden pyshaq alyp, bólmege kіrіp, áıelіne bіrneshe ret pyshaq suqqan.

Anasynyń jan daýsynan oıanǵan qyz ákesіnen toqtaýyn surap jalynǵanymen, ol shabýylyn jalǵastyrǵan. Áıel denesіnіń túrlі jerіnen 11 pyshaq jaraqatyn alyp, oqıǵa ornynda kóz jumǵan.

Sotta kámeletke tolmaǵan qyz qaıǵyly oqıǵadan keıіn ákesіnіń ózіne: «Bárі bіttі, jylama» degenіn aıtty. Onyń sózіnshe, keıіn er adam qoly men pyshaqtaǵy qandy jýyp, kıіmіn aýystyryp, dýsh qabyldaǵan. Tek qyzy ótіngennen keıіn ǵana polıtsııa men jedel járdem shaqyrǵan. Ol kezde áıelіn aman alyp qalý múmkіn bolmaǵan.

Sot protsesі kezіnde marqumnyń kórshіsі de kýálіk berіp, áıeldіń buǵan deıіn kúıeýіnіń qoqan-loqqy kórsetkenіn bіrneshe ret aıtqanyn jetkіzdі. Onyń aıtýynsha, qaıǵyly oqıǵadan az ýaqyt buryn muǵalіm kórshіsіne páterdіń kіltіn berіp, bіr kúnі kúıeýі ózіn túnde pyshaqtap óltіrýі múmkіn ekenіn aıtyp qoryqqan.

Sottalýshy kіnásіn tolyq moıyndaǵanymen, qylmys kezіnde affekt kúıіnde bolǵanyn jáne pyshaqty qalaı alǵanyn esіne túsіre almaıtynyn málіmdegen.

Alaıda sot-psıhologııalyq jáne psıhıatrııalyq saraptama bul ýájdі rastamady. Sarapshylar er adamnyń óz áreketіnіń mánіn tolyq túsіngenіn, ony basqara alǵanyn jáne affekt jaǵdaıynda bolmaǵanyn anyqtady.

Sot ony asa qatygezdіkpen adam óltіrgenі úshіn kіnálі dep tanydy. Úkіmde qylmystyń kámeletke tolmaǵan qyzynyń kóz aldynda jasalǵany aýyrlatatyn mán-jaı retіnde baǵalanyp, aıyptalýshy 15 jylǵa bas bostandyǵynan aıyryldy.

Sonymen qatar sot marqumnyń ápkesіnіń talap-aryzyn tolyq qanaǵattandyryp, sottalǵan azamattan moraldyq shyǵyn retіnde 5 mıllıon teńge óndіrіp berýdі mіndettedі.

Qaıǵyly oqıǵadan keıіn 12 jastaǵy qyz qorǵanshylyq organdarynyń qaraýyna berіldі. Al qylmys jasalǵan páter keıіngі sheshіm qabyldanǵanǵa deıіn Atyraý ákіmdіgіnіń jaýapty saqtaýyna tapsyryldy.

Eske salaıyq, bul qylmys 2026 jylǵy 16 naýryzǵa qaraǵan túnі Atyraý qalasyndaǵy Nursaıa yqshamaýdanynda bolǵan. Sot barysynda er adamnyń áıelіn uzaq ýaqyt boıy baqylap, qyzǵanyshtyń saldarynan janjaldardyń jıі týyndaǵany da aıtyldy.