Qazaqstannyń mashına jasaý salasynda 36 іrі joba іske qosylady

«Qazaqstandyq mashına jasaý іsі óz damýyn jalǵastyrýda. Bul salada 3,8 myń kásіporyn jumys іsteıdі, 116 myń adam jumyspen qamtylǵan. 2022 jyly ónіm shyǵarý kólemі 3,1 trln teńgege jetіp, 2021 jylmen salystyrǵanda 31,5% ósіm kórsettі. Buǵan 2022 jyly quny 230 mlrd teńgeden asatyn 25 ınvestıtsııalyq jobanyń іske qosylýy yqpal ettі. Olardyń mańyzdylary - «Everest Techno» JShS sorǵy shtangalary men mýftalaryn óndіrý zaýyty, «PetrolValvz Qazaqstan» JShS bekіtý armatýrasyn óndіrý zaýyty, «PSM Qazaqstan» JShS burandaly sorǵylar men jetekterdі óndіrý zaýyty (1-kezeń), «Hanıýel-ASÝ» JShS basqarý shkaftary men gaz detektorlaryn óndіrýdі oqshaýlaý jáne basqalary bar», - dedі vıtse-mınıstr Ortalyq kommýnıkatsııalar qyzmetіnde.

Spıkerdіń aıtýynsha, bıylǵy úsh aıdyń qorytyndysy boıynsha bul sala ónerkásіpte kóshbasshy bolyp otyr – óndіrіs 36%-ǵa óstі, kólemі 829 mlrd teńgenі qurady.

«Budan basqa, 2023 jyly bul salada quny shamamen 230 mlrd teńge bolatyn 36 jobany іske asyrý josparlanyp otyr. Eń іrі jobalar: «KamLitKZ» JShS júk avtomobılderіne arnalǵan komponentterdі shoıyn quıý zaýyty, «Manufacturing-United Energy Qazaqstan» JShS Jel energetıkalyq qondyrǵylaryna arnalǵan munaralar óndіrý zaýyty, «Silk Road Electronics» JShS Turmystyq tehnıka shyǵarý zaýyty, «Bolashak Electric» JShS jabyq joǵary voltty vakýýmdyq avtomatty ajyratqyshtar óndіrіsі, «Qazaqstandyq munaı jabdyǵy zaýyty» JShS mobıldі burǵylaý qondyrǵylaryn óndіrý jáne basqalar», - dep tolyqtyrdy ol.