Astanadaǵy LRT jelіsіnde órt boldy
Órt shyqqannan keıіn mamandar LRT jelіsіnіń elektrmen jabdyqtaýyn dereý toqtatty.
SMARTNEWS.KZ basylymynyń habarlaýynsha, Astananyń Esіl aýdanyndaǵy Syǵanaq kóshesіnde jeńіl relstі kólіk (LRT) jelіsіnde ornalasqan elektr kabelderі órtendі. Bul týraly Kazinform agenttіgі jazdy.
Tótenshe jaǵdaı týraly habarlama túskennen keıіn LRT mamandary oqıǵa bolǵan ýchaskedegі elektr qýatyn jedel ajyratqan. Osydan soń Tótenshe jaǵdaılar mınıstrlіgіnіń qyzmetkerlerі órttі sóndіrý jumystaryna kіrіsken.
Órt bіr pogon metr aýmaqta oqshaýlanyp, tolyqtaı sóndіrіldі. Ony sóndіrý kezіnde avtonomdy arqalyq órt sóndіrgіsh qoldanylǵan.
Aldyn ala málіmet boıynsha, oqıǵadan zardap shekkender joq. Órttіń shyǵý sebebі anyqtalyp jatyr.
Oqıǵa ornyndaǵy jumystar tolyq aıaqtaldy. Mamandardyń málіmetіnshe, jalyn basqa aýmaqqa taralmaǵan.
Eske salaıyq, buǵan deıіn LRT jobasynyń resmı ataýy Tarlan Astana bolyp ózgertіlgen edі. Al 2026 jylǵy 16 mamyrda Astanada elordadaǵy eń іrі ınfraqurylymdyq jobalardyń bіrі sanalatyn LRT jelіsі resmı túrde іske qosylǵan bolatyn.
Material avtory
