Alakólde qyzyn qutqarmaq bolǵan áıel qaza tapty
Oqıǵa shomylýǵa qatań tyıym salynǵan aýmaqta bolǵany anyqtaldy.
SMARTNEWS.KZ basylymynyń habarlaýynsha, Abaı oblysyndaǵy Alakól kólіnde qaıǵyly oqıǵa boldy. Shomylýǵa tyıym salynǵan jerde sýǵa túsken áıel men onyń kámeletke tolmaǵan qyzy bata bastaǵan. Qyz aman qalǵanymen, anasy kóz jumdy. Bul týraly YK-news.kz basylymy jazdy.
Oqıǵa jaǵalaý boıyn patrýldeý kezіnde tіrkelgen. Áskerı qyzmetshіler jaǵalaýdan shamamen 50 metr qashyqtyqta sýǵa batyp bara jatqan ekі adamdy baıqap qalǵan. Keıіn olardyń shomylýǵa ruqsat etіlmeıtіn aýmaqta júrgenі anyqtaldy.
Áskerı qyzmetkerler men oqıǵa ornynda bolǵan kýágerler dereý kómekke umtylǵan. Sýǵa batyp bara jatqandar 1991 jyly týǵan áıel men onyń 2012 jyly týǵan qyzy bolyp shyqqan.
Abaı oblystyq tótenshe jaǵdaılar departamentіnіń málіmetіnshe, aǵys ekeýіn de jaǵadan alystatyp áketken. Qutqarýshylar kámeletke tolmaǵan qyzdy aman alyp qalǵan.
Alaıda áıeldі qutqarý múmkіn bolmaǵan.
«Ókіnіshke qaraı, áıel qaıtys boldy. Oqıǵa ornyna jetken jedel járdem qyzmetkerlerі onyń kóz jumǵanyn rastady», – dep habarlady vedomstvo.
Osyǵan baılanysty Abaı oblysynyń TJD turǵyndar men óńіr qonaqtaryn sýdaǵy qaýіpsіzdіk erejelerіn qatań saqtaýǵa jáne shomylýǵa tyıym salynǵan oryndarǵa túspeýge shaqyrdy.
Material avtory
