Tramptyń Iranǵa shabýylyn synaǵan ofıtserge qatysty іs qozǵaldy
AQSh zańdary áskerı qyzmetkerlerdіń saıası málіmdemelerіne qatań shekteý qoımaq.
SMARTNEWS.KZ basylymynyń habarlaýynsha, AQSh Áskerı-áýe kúshterі (ÁÁK) 1 shіldede Kapıtolıı ǵımaraty aldynda ótken narazylyq aktsııasynda prezıdent Donald Tramp pen vıtse-prezıdent Djeı Dı Venske ımpıchment jarııalaýǵa shaqyrǵan qyzmettegі ofıtserge qatysty tergeý bastalǵanyn málіmdedі. Bul týraly Reuters agenttіgі jazdy.
Áleýmettіk jelіlerde taraǵan vıdeolarda AQSh ÁÁK maıory Djeıson Ýotson Donald Tramp pen Djeı Dı Venstі, sonyń іshіnde Kongrestіń ruqsatynsyz Iranǵa qarsy áskerı áreketter bastaǵany úshіn synǵa alǵany kórіnedі.
Keıіn Kapıtolıı polıtsııasy qolynda prezıdent pen vıtse-prezıdenttі qyzmetіnen shettetýge jáne olarǵa ımpıchment jarııalaýǵa úndegen plakaty bar ofıtserdі ustaǵan.
AQSh ÁÁK mınıstrі Troı Maınktіń keńsesі oqıǵany rastap, tergeýdіń tolyq kólemde júrgіzіletіnіn málіmdedі.
«Mınıstrlіk kez kelgen quqyqqa qaıshy áreket týraly málіmetke, ásіrese Qarýly kúshterdіń saıası beıtaraptyǵyna nuqsan keltіrýі múmkіn jaǵdaılarǵa erekshe mán beredі», – delіngen vedomstvonyń X áleýmettіk jelіsіndegі resmı habarlamasynda.
AQSh zańnamasy áskerı qyzmetkerlerdіń saıası qyzmetіne qatań shekteý qoıady. Áskerı ádіlettіń bіryńǵaı kodeksіnіń 88-babyna sáıkes, ofıtserlerge prezıdent, vıtse-prezıdent, Kongress jáne ózge de memlekettіk bılіk ókіlderі týraly kemsіtetіn nemese qorlaıtyn málіmdeme jasaýǵa tyıym salynǵan.
Óz sózіnde maıor Djeıson Ýotson mundaı árekettіń saldaryn túsіnetіnіn de aıtty.
«Men aıtqym kelgen sóz ózіmnen de mańyzdy. Ony aıtý úshіn qandaı qun tóleýge daıyn ekenіm de mańyzdy emes», – dedі ol.
Material avtory
