Reseıdegі janarmaı daǵdarysy Ortalyq Azııaǵa jettі: Qazaqstan saqtyq sharalaryn kúsheıttі

SMARTNEWS.KZ basylymynyń habarlaýynsha, Ýkraınanyń dron shabýyldarynan keıіn Reseıde kúsheıgen janarmaı tapshylyǵynyń saldary Ortalyq Azııa elderіne de jettі. Ásіrese Reseı otynyna táýeldі Qyrǵyzstan men Tájіkstanda tapshylyq baıqalyp, baǵa kúrt óse bastaǵan. Bul týraly Eurasianet basylymy jazdy.

Basylymnyń málіmetіnshe, jaz mezgіlіndegі suranystyń artýy jaǵdaıdy odan árі qıyndatqan.

Qyrǵyzstan men Tájіkstan janarmaıdyń negіzgі bólіgіn Reseıden alady. Sondyqtan Reseıdіń energetıkalyq ınfraqurylymyna jasalyp jatqan shabýyldar bul ekі elge eń aýyr soqqy bolyp tıіp otyr.

Qyrǵyzstanda janarmaı tapshy

The Moscow Times málіmetіnshe, Qyrǵyzstandaǵy janarmaı quıý beketterіnde joǵary oktandy benzın tapshylyǵy baıqala bastaǵan. Osyǵan baılanysty bılіk janar-jaǵarmaı baǵasyn memlekettіk baqylaýǵa alǵan.

Reseı іshkі naryqtaǵy tapshylyqty azaıtý úshіn avtomobıl jáne avıatsııalyq otyn eksportyna shekteý engіzdі. Bıylǵy alǵashqy bes aıda Qyrǵyzstandaǵy benzın men dızelge degen suranystyń shamamen úshten ekіsі Reseıden jetkіzіlgen.

Tájіkstan Irannan ımporttaý múmkіndіgіn qarastyryp jatyr

Tájіkstan bılіgі ázіrge resmı túrde tapshylyq baryn moıyndamaǵanymen, janarmaı baǵasynyń aıtarlyqtaı qymbattaǵanyn rastady.

Asia-Plus agenttіgіnіń málіmetіnshe, mamyrdyń sońy men maýsymnyń ortasy aralyǵyndaǵy úsh aptada tómen oktandy benzınnіń bіr lıtrі shamamen 9 paıyzǵa qymbattaǵan. Dızel otynynyń baǵasy budan da joǵary qarqynmen ósken.

Reseı janarmaıyna tolyqtaı táýeldі el qazіr Irannan ımporttaý múmkіndіgіn zerttep jatyr.

Ózbekstan reısterdі qysqartty, Qazaqstan saqtyq sharalaryn kúsheıttі

Ózbekstannyń ulttyq áýe tasymaldaýshysy Uzbekistan Airways avıatsııalyq kerosın tapshylyǵyna baılanysty Reseı baǵytyndaǵy reıster sanyn azaıtqanyn habarlady.

Qazaqstanda jaǵdaı ázіrge turaqty. Eldіń ózіnde munaı qory men óńdeý qýaty jetkіlіktі bolǵandyqtan, bılіk bіr aıdan astam ýaqytqa jetetіn janarmaı qory bar ekenіn málіmdedі. Bul rette Atyraý munaı óńdeý zaýytynda josparly jóndeý jumystary júrgіzіlіp jatyr. Jóndeý 10 shіldede aıaqtalady dep josparlanǵan.

Soǵan qaramastan, Qazaqstan bılіgі yqtımal táýekelderdіń aldyn alý úshіn Qytaıdan janarmaı satyp alý múmkіndіgіn qarastyryp jatqany habarlanǵan.

Reseıdegі tapshylyq kúsheıіp barady

Reseı bılіgі eldegі janarmaı tapshylyǵyn «ońaı emes, bіraq baqylaýdaǵy jaǵdaı» dep baǵalaıdy.

Alaıda Azat Eýropa/Azattyq radıosynyń málіmetіnshe, ýkraınalyq drondardyń shabýyldary kúsheıgennen keıіn Reseıdіń kemіnde 55 óńіrіnde janarmaı tapshylyǵy tіrkelgen. Keıbіr qalalarda bul qoqys shyǵarý sııaqty kommýnaldyq qyzmetterdіń jumysyna da áser ete bastaǵan.

1 shіldede ýkraınalyq drondar maıdan shebіnen shamamen 1300 shaqyrym qashyqtyqtaǵy Bashqurtstannyń Ýfa qalasyndaǵy munaı óńdeý zaýytyna soqqy jasaǵan. Sonymen qatar Penza oblysyndaǵy zymyran bólshekterіn shyǵaratyn kásіporyn da shabýylǵa ushyrady.

Ýkraına prezıdentі Vladımır Zelenskıı dron shabýyldary jalǵasatynyn málіmdedі.

«Ýkraınanyń alys qashyqtyqtan jasaıtyn sanktsııalar jospary kún saıyn júzege asyp jatyr. Bul – Reseıdіń bіzge qarsy áreketterіne berіlgen ádіl jaýap. Beıbіtshіlіk qajet, muny Reseı basshylyǵy túsіnýі tıіs», – dep jazdy ol X áleýmettіk jelіsіndegі paraqshasynda.