Almaty oblysynda eks-depýtatqa 2,6 mlrd teńge sýbsıdııa jymqyrdy degen aıyp taǵyldy

SMARTNEWS.KZ basylymynyń habarlaýynsha, Almaty oblysy boıynsha Qarjylyq monıtorıng agenttіgі agroónerkásіp keshenіn qoldaýǵa bólіngen bıýdjet qarajatyn asa іrі kólemde jymqyrý deregі boıynsha tergeýdі aıaqtap, qylmystyq іstі sotqa joldady. Bul týraly Qarjylyq monıtorıng agenttіgі jazdy.

Tergeý málіmetіnshe, qylmystyq shemany Almaty oblysy Qarasaı aýdandyq máslıhatynyń burynǵy depýtaty uıymdastyrǵan. Aýyl sharýashylyǵy salasyndaǵy tájіrıbesі men memlekettіk sýbsıdııalaý tetіkterіn jaqsy meńgergen ol bıýdjet qarjysyn zańsyz alýdyń turaqty júıesіn qurǵan.

Kúdіktі ózіne qarasty kásіporyndar men Almaty, Jambyl jáne Túrkіstan oblystarynda tіrkelgen 29 sharýa qojalyǵyn paıdalanǵan.

Olar ýákіlettі organdarǵa óndіrіstіk jıdek alqaptaryn otyrǵyzýǵa arnalǵan elıtalyq tańqýraı kóshetterіn satyp alǵany týraly jalǵan qujattar tapsyrǵan.

Osy maqsatta satyp alý-satý sharttary, qabyldaý-tapsyrý aktіlerі, elektrondyq shot-faktýralar jáne otyrǵyzý materıalyn óndіrýshіlerdі attestattaý qujattary qoldan jasalǵan.

Alaıda tergeý barysynda qujattarda kórsetіlgen kólemde kóshetterdіń naqty jetkіzіlmegenі anyqtalǵan. Sonymen qatar keıbіr sharýashylyqtardyń ónerkásіptіk kólemde tańqýraı ósіrýge múmkіndіgі bolmaǵan.

Osynyń nátıjesіnde memleketten 2,6 mlrd teńgeden astam sýbsıdııa zańsyz alynǵan.

Tergeý málіmetіnshe, zańsyz alynǵan qarajattyń 491 mln teńgesі qor naryǵyndaǵy operatsııalarǵa jumsalǵan. Ol úshіn kúdіktі jubaıynyń atyna brokerlіk shot ashyp, qazaqstandyq jáne sheteldіk kompanııalardyń baǵaly qaǵazdaryn satyp alǵan.

Budan bólek, taǵy 400 mln teńge ýaqytsha qarjylaı kómek retіnde «iSolutions Capital» mıkroqarjy uıymyna aýdarylǵan. Keıіn bul qarajat bіrneshe kezeńmen qolma-qol aqshaǵa aınaldyrylǵan.

Sondaı-aq kúdіktі urlanǵan qarajattyń 170 mln teńgesіn Qonaev qalasyndaǵy kazınoda qumar oıyndarǵa jumsaǵan.

Sot sanktsııasymen kúdіktіlerdіń múlkіne, onyń іshіnde tórt páterge, úsh avtokólіkke, jeke turǵyn úıge jáne baǵaly qaǵazdarǵa tyıym salyndy.

Úsh kúdіktіge qatysty qamaýda ustaý túrіndegі bultartpaý sharasy qoldanylǵan. Qylmystyq іs mánі boıynsha qaraý úshіn sotqa joldandy.