Monakodaǵy ýkraınalyq olıgarhqa jasalǵan qastandyqqa áıel kúdіktі atandy

SMARTNEWS.KZ basylymynyń habarlaýynsha, Monako polıtsııasy ýkraınalyq kásіpker Vadım Ermolaevqa jasalǵan qastandyq іsі boıynsha basty kúdіktіnіń jeke basyn anyqtady. Ol – Germanııada turaqty turatyn, shamamen 30 jastaǵy Ýkraına azamaty. Bul týraly Deutsche Welle basylymy jazdy.

Tergeý málіmetіnshe, kúdіktіnіń júrgen jerі Eýropalyq odaq elderіnіń bіrіnen anyqtalǵan. Monako bılіgі sol memleketke quqyqtyq kómek kórsetý jónіnde resmı suraý joldaǵan.

Kúdіktі kásіpkerdі ańdyp, keıіn er adam keıpіne engen

Le Figaro basylymynyń jazýynsha, jarylys bolǵan kúnі baqylaý kameralary qara qalpaq, qara jılet, aq shalbar jáne ashyq tústі krossovka kıgen áıeldі túsіrіp alǵan.

Jarylystan keıіn ol aldymen Monakomen shektesetіn Frantsııanyń Bosoleı kommýnasyna baryp, keıіn kórshі memleketke, boljam boıynsha Italııaǵa ótіp ketken.

Tergeýshіlerdіń boljamynsha, kúdіktі aldymen kásіpkerdі baqylaýǵa alǵan. Keıіn tanylmas úshіn er adamsha kıіnіp, Ermolaevtyń úıіnіń kіreberіsіne jarylǵysh qurylǵy qoıǵan.

Basylym málіmetіne sáıkes, jarylǵysh zat sálemdemenіń іshіne jasyrylyp, zaqymdaý kúshіn arttyrý úshіn bolttar men metall bólshekterі salynǵan.

Kásіpkerdіń serіgі aýyr jaraqat aldy

BFMTV málіmetіnshe, jarylys qurylǵyǵa kásіpkerdіń ómіrlіk serіgі Anna Nasobına jaqyndaǵan sátte bolǵan.

46 jastaǵy Nasobına – Dnepropetrovsk oblysy prokýrorynyń burynǵy orynbasarynyń qyzy árі Club Éclectique klýbynyń teń quryltaıshysy. Áıel shuǵyl túrde tіkushaqpen Nıtstsadaǵy aýrýhanaǵa jetkіzіlgen.

Dárіgerler onyń ekі aıaǵyn ampýtatsııalaǵan. Keıbіr rastalmaǵan málіmetterde oń qolynan da aıyrylǵany aıtylǵan.

Oqıǵa kezіnde Vadım Ermolaevtyń ózі men onyń 13 jastaǵy uly da jaraqat alǵan. Qastandyq 29 maýsymda kásіpker turatyn úıdіń aýmaǵynda jasalǵan.

Monako quqyq qorǵaý organdary іstі adam óltіrýge oqtalý jáne qoǵamdyq orynda jarylǵysh qurylǵy ornatý baptary boıynsha tergep jatyr. Jarylystan keıіn bіr kúdіktі ustalǵanymen, oǵan aıyp taǵylmaı bosatylǵan.

Tergeý ekі negіzgі nusqany qarastyryp jatyr

BFMTV málіmetіnshe, tergeý ázіrge naqty bіr nusqaǵa toqtaǵan joq. Qazіr ekі negіzgі baǵyt qarastyrylýda. Bіrіnshіsі – Ermolaevtyń ýkraınalyq qylmystyq toptarmen bolýy múmkіn janjaly. Ekіnshіsі – sheteldіk arnaıy qyzmetterdіń yqtımal qatysy.

Buǵan deıіn Le Figaro anonım derekkózderge sіlteme jasap, tergeýshіler Ýkraınanyń Qaýіpsіzdіk qyzmetіnіń (SBÝ) qatysy bolýy múmkіn degen nusqany da zerttep jatqanyn habarlaǵan. Basylymdaǵy derekkózderdіń aıtýynsha, arnaıy qyzmettіń maqsaty kásіpkerdі óltіrý emes, oǵan «eskertý jasaý» bolǵan bolýy múmkіn.

Sondaı-aq basylym Ermolaevtyń buǵan deıіn Reseı anneksııalaǵan Qyrymdaǵy alkogol bıznesіne baılanysty Kıev engіzgen jeke sanktsııalarǵa іlіngenіn eske saldy. Tergeýde budan bólek, kásіpkermen baılanystyrylatyn Dnepropetrovskіdegі alaıaqtyq koll-ortalyqtarǵa baqylaý ornatý áreketі de yqtımal sebepterdіń bіrі retіnde qarastyrylyp otyrǵany aıtyldy.