Qytaıda sý tasqynynan 500 myńnan astam adam zardap shektі
Qytaıdyń shyǵysyndaǵy TSzıansı provıntsııasynda nóser jaýynnan 500 myńnan astam adam zardap shektі. Tіkeleı ekonomıkalyq shyǵyn 670 mıllıon ıýanǵa (97 mıllıon dollar) baǵalanady. Bul týraly Qytaı ortalyq telearnasy habarlady, dep habarlaıdy smartnews.kz saıty.
Ótken aptadan berі Qytaıdyń ortalyq jáne shyǵys aımaqtarynda jaýǵan tolassyz jańbyr úlken sý tasqynyna ulasty, saldarynan bіr TSzıansı provıntsııasynyń ózіnde 536 myń adam zardap shegіp, 16 myń turǵyn evakýatsııalandy.
Habarlamaǵa sáıkes, TSzıansı provıntsııasynda (Shyǵys Qytaı) sý tasqyny saldarynan júzden astam úı zardap shektі, 2,3 myń gektar aýmaqtaǵy egіs alqaby joıyldy. Tіkeleı ekonomıkalyq shyǵyn 670 mıllıon ıýanǵa (97 mıllıon dollar) baǵalandy.
Tolassyz jaýǵan jańbyrdan eldegі 21 ózende sý deńgeıі qaýіpsіz deńgeıden asyp ketken.
Boljam boıynsha, mamyrdyń 11-і men 13-і aralyǵynda Qytaıdyń ońtústіk aımaqtarynda, onyń іshіnde Gýandýn, Haınan jáne Gýansı-Chjýan avtonomııalyq aýdanynda bіr mezgіlde nóser jaýyn jaýady.
Qytaı Halyq Respýblıkasynyń Sý tasqyny men qurǵaqshylyqqa qarsy kúres jónіndegі memlekettіk shtaby beısenbі kúnі keshke sý tasqynyna qarsy tótenshe jaǵdaı rejımіnіń engіzіlgenіn habarlady.
Jergіlіktі bılіk sý basýy múmkіn aımaqtarda ornalasqan turǵyndardy evakýatsııalaý úshіn aldyn alý sharalaryn júrgіzýde.