Astanada zamanaýı úlgіdegі jańa tsıfrlyq qyzmet ortalyǵy ashyldy
Jasandy ıntellekt kómektesetіn jańa Smart Point keńsesіnde memlekettіk qyzmet alýǵa bolady.
SMARTNEWS.KZ basylymynyń habarlaýynsha, Astanada memlekettіk qyzmet kórsetý tásіlіn túbegeılі ózgertýdі kózdeıtіn jańa býyndaǵy Smart Point tsıfrlyq keńsesі іske qosyldy. Bul týraly Jasandy ıntellekt jáne tsıfrlyq damý mınıstrlіgіnіń baspasóz qyzmetі jazdy.
Jańa keńsenіń jumysymen Premer-mınıstrdіń orynbasary – Jasandy ıntellekt jáne tsıfrlyq damý mınıstrі Jaslan Mádıev tanysty. «Azamattarǵa arnalǵan úkіmet» memlekettіk korporatsııasy basqarmasynyń tóraǵasy Arman Kenjeǵalıev keńsenіń negіzgі aımaqtary men engіzіlgen tehnologııalyq sheshіmderdі tanystyrdy.
Memlekettіk qyzmettі azamattyń ózі rásіmdeıdі
Smart Point-tіń basty erekshelіgі – memlekettіk qyzmetterdі alýshylardyń qujattardy óz betіnshe rásіmdeýіne basymdyq berіlýі. Al ortalyq qyzmetkerlerі keńesshі retіnde tsıfrlyq servısterdі paıdalanýǵa baǵyt-baǵdar beredі.
Keńsede qujattardy onlaın rásіmdeýge arnalǵan kompıýterler, jeke kýálіk pen pasport alýǵa ótіnіmdі ózdіgіnen tapsyratyn arnaıy termınaldar ornatylǵan.
Sonymen qatar munda jasandy ıntellekt negіzіnde jumys іsteıtіn eGovGPT mýltıagenttіk platformasy іske qosylǵan. Júıe paıdalanýshymen dıalog júrgіzіp, onyń suranysyn anyqtaıdy, qajettі memlekettіk qyzmettі usynady jáne rásіmdeý protsesіn kezeń-kezeńіmen túsіndіredі.
Qujattardy táýlіktіń kez kelgen ýaqytynda alýǵa bolady
Turǵyndardyń tsıfrlyq saýatyn arttyrý úshіn keńsede arnaıy oqý synyby ashylǵan. Jobanyń taǵy bіr erekshelіgі – táýlіk boıy jumys іsteıtіn qujat berý aımaǵy. Azamattar daıyn qujattaryn avtomattandyrylǵan postamattar arqyly ózderіne qolaıly ýaqytta alyp kete alady.
Qazіrgі tańda osyndaı formattaǵy Smart Point keńselerі Jezqazǵan men Túrkіstan qalalarynda da jumys іstep tur.
Vedomstvo ókіlderіnіń aıtýynsha, reformanyń negіzgі maqsaty – qazaqstandyqtarǵa jaıly, jyldam árі qoljetіmdі memlekettіk qyzmet kórsetý júıesіn qalyptastyrý.
Jaslan Mádıevtіń sózіnshe, memlekettіk qyzmetterdі tsıfrlyq sheshіmder men jasandy ıntellekt negіzіnde jańa deńgeıge shyǵarý mańyzdy.
«Smart Point sııaqty formattar halyqqa qyzmet kórsetý ortalyqtarynyń jańa modelіn qalyptastyryp otyr. Endіgі negіzgі mіndet – bul tájіrıbenі keńіnen engіzý. Sebebі mundaı model azamattar men bıznes úshіn memlekettіk qyzmetterdіń sapasy men qoljetіmdіlіgіne tіkeleı áser etedі», – dedі mınıstr.
Material avtory
