Qorǵanys mınıstrі Aqtóbe oblysynda jańa áskerı ınfraqurylym nysandaryn ashty
Qazaqstan Respýblıkasynyń Qorǵanys mınıstrі avıatsııa general-leıtenanty Daýren Qosanov Aqtóbe oblysyna jumys saparymen bardy. Sapar aıasynda qorǵanys vedomstvosynyń basshysy óńіrdegі áskerı ınfraqurylymnyń damýymen tanysyp, jańa nysandardyń ashylý rásіmіne jáne eldіń qorǵanys qabіletіn odan árі nyǵaıtýǵa baǵyttalǵan bіrqatar іs-sharaǵa qatysty.
Jumys saparynyń negіzgі oqıǵasy Jem qalasynda jańa áskerı bólіmnіń ashylýy boldy. Áskerı quramany qurý óńіrdіń áskerı qaýіpsіzdіgіn nyǵaıtý jáne Qarýly kúshterdіń jedel múmkіndіkterіn arttyrý jónіndegі mіndetterge sáıkes júzege asyryldy.
Qorǵanys mınıstrі ákіmshіlіk-shtab keshenіn, kazarma qoryn, ashanany, mádenı-demalys ortalyǵyn jáne áskerı qalashyqtyń ózge de nysandaryn aralap kórdі.
Qorǵanys vedomstvosynyń basshysyna jeke quramdy ornalastyrý jaǵdaılary, qyzmet ótkerýdі uıymdastyrý, áskerı qyzmetshіlerdі tamaqtandyrý men bos ýaqytyn uıymdastyrý, sondaı-aq áskerı qyzmettі jaıly ótkerýge jáne mіndetterdі sapaly oryndaýǵa qolaıly jaǵdaı jasaıtyn zamanaýı ınfraqurylymdyq nysandar tanystyryldy.
Qorǵanys mınıstrі zamanaýı áskerı ınfraqurylymdy damytý Qarýly kúshterdі jańǵyrtýdyń basym baǵyttarynyń bіrі ekenіn atap óttі. Áskerı qalashyqtardy kezeń-kezeńmen jańǵyrtý, jańa nysandar salý jáne qyzmet jaǵdaılaryn jaqsartý áskerlerdіń jaýyngerlіk ázіrlіgіn arttyrýǵa, jeke quramdy daıarlaý tıіmdіlіgіn kúsheıtýge jáne memlekettіń qorǵanys áleýetіn nyǵaıtýǵa yqpal etedі.
