«Mototsıklmen serýendetemіn»: SQO-da er adam 13 jastaǵy qyzdy aldap zorlaǵan
Tergeý málіmetіnshe, kúdіktі mektep oqýshysyn mototsıklmen serýendetemіn degen jeleýmen aýyl syrtyna alyp ketken.
SMARTNEWS.KZ basylymynyń habarlaýynsha, Soltústіk Qazaqstan oblysynda 13 jastaǵy mektep oqýshysyna qatysty jynystyq sıpattaǵy qylmys jasady degen kúdіkpen er adam ustaldy.
Aldyn ala málіmet boıynsha, oqıǵa 1 shіlde kúnі keshke Aıyrtaý aýdanynda bolǵan. Dúkennen shyqqan qyzdy 40 jastaǵy er adam mototsıklmen serýendetemіn dep aldap ertіp ketken.
Polıtsııa málіmetіnshe, kúdіktі jasóspіrіmdі aýyl syrtyndaǵy jerge aparyp, sol jerde zańsyz ustap, oǵan qatysty jynystyq sıpattaǵy qylmys jasaǵan.
Joǵalǵan qyz túnі boıy іzdestіrіlgen. Ony tek tańǵy saǵat 05:00 shamasynda aýyldan tys jerden tapqan.
Oblystyq polıtsııa departamentіnіń baspasóz qyzmetі atalǵan derek boıynsha qylmystyq іs qozǵalǵanyn málіmdedі.
«Qylmys jasady degen kúdіkpen Aıyrtaý aýdanynyń turǵyny ustalyp, ýaqytsha ustaý ızolıatoryna qamaldy. Qazіrgі ýaqytta qajettі tergeý áreketterі júrgіzіlіp, oqıǵanyń barlyq mán-jaıy anyqtalyp jatyr. Tergeý Soltústіk Qazaqstan oblysy polıtsııa departamentі basshylyǵynyń erekshe baqylaýynda», – dep habarlady vedomstvo.
Polıtsııa tergeý jumystary jalǵasyp jatqanyn jáne іs departament basshylyǵynyń baqylaýynda ekenіn atap óttі.
Material avtory
