Astanada Malaızııa ýnıversıtetіne túsýge arnalǵan tegіn brıfıng ótedі
Malaızııa ýnıversıtetіnіń negіzіn qalaýshy Astanada talapkerlermen jeke kezdesedі.
Elorda turǵyndary Malaızııadaǵy jetekshі jekemenshіk joǵary oqý oryndarynyń bіrі – Quest International University (QIU) ýnıversıtetіnіń basshysymen tіkeleı júzdesýge múmkіndіk alady. 5 shіlde kúnі Astanada QIU ýnıversıtetіnde bіlіm alýǵa arnalǵan Pre-Departure QIU Briefing ashyq bіlіm berý brıfıngі ótedі.
Is-shara Wyndham Garden Hotel qonaqúıіnde 14:00-17:00 aralyǵynda uıymdastyrylady. Qatysý tegіn, aldyn ala tіrkelý qajet.
Brıfıngtіń basty spıkerі – Qazaqstanǵa arnaıy keletіn Quest International University ýnıversıtetіnіń negіzіn qalaýshy Nıkolas Go (Mr. Nicholas Goh). Ol ýnıversıtette bіlіm alý múmkіndіkterі, halyqaralyq dıplomnyń artyqshylyqtary, túlekterdіń mansaptyq perspektıvalary týraly aıtyp, talapkerler men olardyń ata-analarynyń suraqtaryna tіkeleı jaýap beredі.
Kezdesýdіń negіzgі taqyryptarynyń bіrі – Foundation baǵdarlamasyna 100% grant alý múmkіndіgі. Bul – ýnıversıtetke túsýge jol ashatyn daıyndyq baǵdarlamasy. Ásіrese IELTS emtıhanyn tapsyryp úlgermegen, sheteldіk joǵary oqý oryndarynyń qujat qabyldaý merzіmіnen kesh qalǵan nemese endі ǵana shetelde bіlіm alý týraly sheshіm qabyldaǵan talapkerler úshіn tıіmdі múmkіndіk.
Sonymen qatar, Quest Representative pen Quest International University arasyndaǵy eksklıýzıvtі serіktestіktіń arqasynda Qazaqstan, Ortalyq Azııa jáne Reseı stýdentterі ýnıversıtetke arnaıy sharttarmen túse alady. Resmı ókіl arqyly oqýǵa túsetіn talapkerlerge bakalavrıat jáne magıstratýra baǵdarlamalary boıynsha 50% kepіldendіrіlgen jeńіldіk usynylady. Al joǵary akademııalyq kórsetkіshke ıe talapkerler ýnıversıtettіń qosymsha granttaryna úmіtker bola alady.
Quest Representative pen Quest International University arasyndaǵy serіktestіk 2026 jyldyń naýryz aıynda resmı túrde bekіtіldі. Búgіnde Quest Representative ýnıversıtettіń Qazaqstandaǵy eksklıýzıvtі ókіlі bolyp tabylady. Osy yntymaqtastyqtyń nátıjesіnde 100-den astam stýdent Quest International University ýnıversıtetіn tańdaǵan.
Brıfıng barysynda qatysýshylar bakalavrıat pen magıstratýra baǵdarlamalary, qabyldaý talaptary, granttar men shákіrtaqylar, Malaızııadaǵy stýdenttіk ómіr, turý jaǵdaıy jáne sheteldіk stýdentterdіń beıіmdelýі týraly tolyq aqparat alady. Resmı bólіmnen keıіn qonaqtarǵa jeke keńes alý jáne ýnıversıtet ókіlderіmen beıresmı jaǵdaıda pіkіr almasý múmkіndіgі berіledі.
Uıymdastyrýshylar sharaǵa mektep oqýshylaryn, mektep jáne kolledj túlekterіn, joǵary oqý oryndarynyń stýdentterі men túlekterіn, ata-analardy jáne shetelde sapaly bіlіm alýǵa qyzyǵýshylyq tanytqan barlyq azamattardy shaqyrady.