Dmıtrıı Medvedev: AQSh-tyń Iranǵa jasaǵan shabýyly negіzsіz boldy
Reseı saıasatkerі AQSh-tyń áskerı áreketіne jetkіlіktі negіz bolmaǵanyn málіmdedі.
SMARTNEWS.KZ basylymynyń habarlaýynsha, Reseı Qaýіpsіzdіk keńesі tóraǵasynyń orynbasary Dmıtrıı Medvedev Irannyń ıadrolyq baǵdarlamasyna baılanysty daýdy áskerı emes, dıplomatııalyq jolmen sheshýge múmkіndіk bolǵanyn aıtty. Onyń pіkіrіnshe, AQSh-tyń Iranǵa qarsy áskerı operatsııa bastaýyna jetkіlіktі negіz bolmaǵan.
Tegeranǵa jasaǵan saparynan keıіn jýrnalısterge pіkіr bіldіrgen Medvedev Vashıngtonnyń Iranǵa qoıǵan aıyptary naqty dáleldermen rastalmaǵanyn málіmdedі.
«Eshkіm eshkіmge eshqandaı naqty dálel usynǵan joq. Barlyǵy tek jalpy sıpattaǵy paıymdarmen shekteldі», – dedі ol ushaq bortynda.
Medvedevtіń sózіnshe, AQSh shabýylyn aqtaıtyn mańyzdy sebep bolmaǵan. Soǵan qaramastan, onyń aıtýynsha, shabýyl saldarynan Irannyń búkіl saıası basshylyǵy, sonyń іshіnde eldіń joǵarǵy kóshbasshysy qaza taýyp, kóptegen beıbіt turǵyn mert bolǵan.
«Mundaı sheshіm qabyldaǵandarǵa bul abyroı ákelmeıdі», – dedі Reseı Qaýіpsіzdіk keńesі tóraǵasynyń orynbasary.
Ol qazіrgі jaǵdaıda Iran men AQSh ózara ymyraǵa kelіp, uzaq merzіmdі beıbіtshіlіkke qol jetkіzedі degen úmіt bіldіrdі. Alaıda bul úderіstіń «asa kúrdelі» bolatynyn atap óttі.
Dmıtrıı Medvedev Tegeranda AQSh-tyń 28 aqpandaǵy shabýylynyń alǵashqy kúnіnde qaza tapqan Irannyń burynǵy joǵarǵy kóshbasshysy Álı Hameneımen qoshtasý rásіmіne qatysty.
Material avtory
