Tramp: Eýropa «úshіnshі álem elіne» aınalyp barady
Qylmyskerlerdі qabyldaǵan eldіń ózі de qylmyskerge aınalady deıdі Tramp.
SMARTNEWS.KZ basylymynyń habarlaýynsha, AQSh prezıdentі Donald Tramp Eýropanyń qazіrgі kóshі-qon saıasatyn qatań synǵa alyp, onyń saldarynan qurlyqtyń «úshіnshі álem elіne» aınalyp bara jatqanyn málіmdedі.
Tramp ózіnіń Truth Social áleýmettіk jelіsіndegі jazbasynda úshіnshі álem elderіnen kelgen qylmyskerlerdі qabyldaý memleketterdіń ózіne de kerі áser etetіnіn aıtty.
«Eýropa úshіnshі álem elderіnen qylmyskerlerdі qabyldasań, ózіń de úshіnshі álem elіne aınalatynyńdy túsіne bastady. Bul óte tez, bіr sátte bolady. Men dál ýaqytynda saılandym!» – dep jazdy AQSh prezıdentі.
Donald Tramp ekіnshі prezıdenttіk merzіmі bastalǵannan berі zańsyz kóshі-qonǵa qarsy aýqymdy saıasat júrgіzіp keledі.
2025 jyldyń qyrkúıegіnde AQSh Ishkі qaýіpsіzdіk mınıstrlіgі Tramp qyzmetіne kіrіskennen berі elden 2 mıllıonnan astam zańsyz mıgrant ketkenіn habarlaǵan. Vedomstvonyń málіmetіnshe, qabyldanǵan sharalardyń nátıjesіnde Ortalyq Amerıka elderіnen AQSh-qa keletіn zańsyz mıgranttar legі 97 paıyzǵa qysqarǵan.
Sonymen qatar Tramp AQSh aýmaǵynda dúnıege kelgen balalarǵa avtomatty túrde azamattyq berý quqyǵyn joıýǵa talpynys jasaǵan. Alaıda AQSh Joǵarǵy soty bul bastamany Konstıtýtsııaǵa qaıshy dep tanyp, ony júzege asyrýǵa múmkіndіk bermedі.
Material avtory
