Beket ata basyna barǵan úsh adam іz-túzsіz joǵalyp kettі
Mańǵystaýda tіkushaqpen aýqymdy іzdeý júrіp jatyr.
SMARTNEWS.KZ basylymynyń habarlaýynsha, Mańǵystaý oblysynda Beket ata jerasty meshіtіne barǵannan keıіn joǵalyp ketken úsh adamdy іzdeý jumystary jalǵasýda. Bul týraly Lada.kz basylymy jazdy.
Áleýmettіk jelіlerde taraǵan aqparatqa sáıkes, 34 jastaǵy Qanatbek Jubatqanov, 31 jastaǵy Aqmaral Bısenova jáne 20 jastaǵy Marhabat Bısenova 2 shіlde, beısenbі kúnі memlekettіk nómіrі 010 FZA 12 bolatyn Great Wall avtokólіgіmen Beket ata jerasty meshіtіne qaraı jolǵa shyqqan.
Olarmen sońǵy baılanys sol kúnі shamamen saǵat 16:15-te bolǵan.
Málіmetke qaraǵanda, meshіt aýmaǵynan olar WhatsApp arqyly beınejazba jіbergen. Osydan keıіn olarmen baılanys tolyq úzіlgen.
Qazіrgі ýaqytta olardyń naqty qaıda ekenі belgіsіz.
Mańǵystaý oblystyq polıtsııa departamentі aýqymdy іzdestіrý sharalary júrgіzіlіp jatqanyn habarlady.
Joǵalǵandardy іzdeýge polıtsııa qyzmetkerlerі, tótenshe jaǵdaılar departamentіnіń bólіmshelerі, «Ohotzooprom» óndіrіstіk bіrlestіgіnіń mamandary jáne basqa da jedel árі arnaıy qyzmet ókіlderі jumyldyrylǵan.
Izdeý jumystaryna tіkushaqtar, arnaıy tehnıka men qajettі qural-jabdyqtar tartylǵan.
Vedomstvonyń málіmetіnshe, іzdeý bіrneshe baǵytta bіr mezgіlde júrgіzіlіp jatyr jáne oǵan barynsha kóp kúsh pen tehnıka jumyldyrylǵan.
«Jumyldyrylǵan barlyq qyzmet kúsheıtіlgen rejımde jumys іstep, joǵalǵandardyń ornalasqan jerіn múmkіndіgіnshe tez anyqtaý úshіn barlyq qajettі sharany qabyldap jatyr», – dep habarlady polıtsııa.
Izdeý jumystaryna erіktіler de qosylǵan. Olar óńіr turǵyndaryn kómek kórsetýge shaqyryp, ásіrese drony bar azamattardyń kómegі asa qajet ekenіn málіmdedі. Mundaı tehnıka jetýі qıyn aýmaqtardy áýeden sholýǵa múmkіndіk beredі.
Izdeý jumystaryna qatysýǵa nemese kómek kórsetýge daıyn azamattardan úılestіrýshі Nurlanǵa +7 (701) 770-76-86 nómіrі arqyly habarlasý suraldy.
Material avtory
