Kókshetaýda 19 jastaǵy esіrtkі taratýshy alǵashqy jumys kúnі-aq ustaldy
Áskerden kelgen jіgіt «jeńіl aqsha» іzdep, temіr torǵa tústі.
SMARTNEWS.KZ basylymynyń habarlaýynsha, Kókshetaýda sıntetıkalyq esіrtkі taratýmen aınalyspaq bolǵan 19 jastaǵy jіgіt alǵashqy kúnі-aq qolǵa tústі.
Esіrtkі qylmysyna qarsy іs-qımyl bólіmіnіń qyzmetkerlerі sıntetıkalyq zattardy taratýmen aınalysqan kúdіktіnіń áreketіn toqtatty. Jedel ýákіlderdіń nazaryna 19 jastaǵy jas jіgіt іlіkken.
Tergeý málіmetіnshe, ol «zakladchık» retіnde jumys іsteýge kelіsіp, tez aqsha tabýdy kózdegen. Alaıda qylmystyq josparyn júzege asyrýǵa úlgermegen.
«Jeke tіntý kezіnde kúdіktіden árі qaraı taratýǵa arnalǵan psıhotroptyq zat salynǵan 50 orama tárkіlendі. Aldyn ala málіmet boıynsha, jas jіgіt jaqynda áskerden oralyp, esіrtkі satýshylardyń usynysyna kelіsken», – dep habarlady Aqmola oblysy polıtsııa departamentі.
Polıtsııanyń málіmetіnshe, jyl basynan berі óńіrde 24 esіrtkі kýrerіnіń zańsyz áreketі toqtatylǵan. Nátıjesіnde 80 kılogramnan astam sıntetıkalyq esіrtkі zańsyz aınalymǵa túspegen.
Atalǵan faktі boıynsha sotqa deıіngі tergeý bastaldy. Kúdіktі ýaqytsha ustaý ızolıatoryna qamaldy.
Material avtory
