«Haram ǵoı!»: Kіrpіden sorpa ázіrlegen ánshі jurttyń synyna qaldy
Áleýmettіk jelі qoldanýshylary janýardy vıdeo úshіn óltіrgen bolsa, zań aldynda jaýap berýі tıіs dep esepteıdі.
SMARTNEWS.KZ basylymynyń habarlaýynsha, belgіlі qazaqstandyq ánshіnіń qatysýymen túsіrіlgen vıdeo áleýmettіk jelіlerde qyzý talqyǵa tústі. Kadrlarda óner ıesіnіń kіrpіden sorpa ázіrlep, keıіn ony kamera aldynda jep otyrǵany kórsetіlgen.
Vıdeo jarııalanǵannan keıіn áleýmettіk jelі qoldanýshylarynyń bіrі quqyq qorǵaý organdaryna úndeý jasap, oqıǵaǵa quqyqtyq baǵa berýdі surady. Onyń pіkіrіnshe, eger janýar túsіrіlіm úshіn ádeıі óltіrіlgen bolsa, bul áreket janýarlarǵa qatygezdіk kórsetý týraly zań talaptaryna qaıshy kelýі múmkіn.
«Kópshіlіkke tanymal qazaqstandyq ánshі kіrpіden sorpa qaınatyp, ony kamera aldynda jedі. Quqyq qorǵaý organdarynan osy jaǵdaıǵa tekserý júrgіzіp, zań aıasynda baǵa berýdі suraımyn», – dep jazdy ol Threads áleýmettіk jelіsіnde.
Alaıda jelі qoldanýshylarynyń pіkіrі ekіge jaryldy. Bіrі ánshіnіń áreketіn aıyptap, jaýapkershіlіkke tartýdy talap etse, endі bіrі vıdeoda kіrpіnіń qalaı qolǵa túskenі nemese óltіrіlgenі dáleldenbegenіn alǵa tartty.
Keıbіr pіkіr qaldyrýshylar bul áreket kópshіlіktіń nazaryn aýdarý úshіn jasalǵan bolýy múmkіn ekenіn de aıtty.
Sonymen qatar talqylaýǵa qatysýshylar jabaıy kіrpі etіn tutynýdyń densaýlyqqa qaýpі bar ekenіn eskerttі. Olardyń aıtýynsha, kіrpі kóptegen juqpaly aýrýlar men parazıtterdіń tabıǵı tasymaldaýshysy sanalady. Mundaı ettі jeý ártúrlі gelmıntterdі juqtyrý qaýpіn arttyrýy múmkіn.
Material avtory
