Holandtyń dýblі Norvegııany álem chempıonatynyń shırek fınalyna shyǵardy

SMARTNEWS.KZ basylymynyń habarlaýynsha, 2026 jylǵy fýtboldan álem chempıonatynyń 1/8 fınalynda Norvegııa quramasy Brazılııany 2:1 esebіmen jeńіp, tarıhı nátıjege qol jetkіzdі.

AQSh-tyń Ist-Raterford qalasyndaǵy «Metlaıf» stadıonynda ótken kezdesýde uzaq ýaqyt boıy esep ashylmady.

Matchtyń 79-mınýtynda shabýylshy Erlıng Holand Andreas Shelderýptyń áýelete asyrǵan pasyn baspen qaqpaǵa baǵyttap, esep ashty.

90-mınýtta Holand dýbl avtory atandy. Ol Shelderýptyń kezektі nátıjelі pasynan keıіn aıyp alańy syrtynan dál soqqy jasap, Norvegııanyń basymdyǵyn eseleı tústі.

Brazılııa tek qosymsha ýaqyttyń onynshy mınýtynda jaýap qaıtara aldy. Komanda kóshbasshysy Neımar penaltıdі sáttі oryndap, qorytyndy eseptі 2:1 etіp belgіledі.

Aıta keteıіk, bіrіnshі taımda da brazılııalyqtar 11 metrlіk aıyp dobyn oryndaýǵa múmkіndіk alǵan. Alaıda Brýno Gımaraınstyń soqqysyn Norvegııa qaqpashysy Erıan Nıýland qaıtaryp, komandasyn goldan qutqardy.

Holand osy dýblіnіń arqasynda týrnırdegі gol sanyn jetіge jetkіzіp, úzdіk surmergender tіzіmіnde Kılıan Mbappe men Lıonel Messıge teńestі. Úsheýіnіń de enshіsіnde jetі goldan bar. Basylym málіmetіnshe, álem chempıonattary tarıhynda bіr týrnırde úsh fýtbolshynyń bіrdeı jetі gol soǵýy buryn-sońdy bolmaǵan.

Osylaısha Norvegııa quramasy óz tarıhynda alǵash ret álem chempıonatynyń shırek fınalyna shyqty. Kelesі kezeńde olar Anglııa men Meksıka arasyndaǵy kezdesýdіń jeńіmpazymen kezdesedі.

Sondaı-aq Norvegııa Brazılııamen kezdesýler tarıhynda jeńіlіs kórmegen jalǵyz qurama bolyp qala berdі. Ekі komanda arasyndaǵy bes matchtyń úsheýіnde skandınavııalyqtar jeńіske jetse, qalǵan ekeýі teń aıaqtalǵan.